ٺٽي ۾ سي آءِ اي انچارج ممتاز بروهي سان وفد جي ملاقات

وفد ۾ عوامي پريس ڪلب جو صدر بلاول سمون، زاهد جوکيو ۽ ٻيا به شامل هئا

ٺٽي ۾ سي آءِ اي انچارج ممتاز بروهي سان وفد جي ملاقات

ٺٽو( محمد شفيق ڀٽي)سي آئي اي پوليس پاران منشيات فروشن خلاف سخت ڪاروائين ڪرڻ ۽ منشيات سپلائي لائينون سختي سان بند ڪرڻ ۽ منشيات خلاف بھترين ڪارواين ڪرڻ واري عمل تي اڄ سي آئي اي انچارج ممتاز بروھي کي عوامي پريس ڪلب جي صدر بلاول سمون،سينيئر صحافي زاھد جوکيو، راجا ميمڻ،سماجي اڳواڻ سيد نياز شاھ،علي اڪبر ميمڻ،اشتاق ميمڻ،سليمان حمائتي، حسين راھوڪڙو ۽ ٻين مڃتا طور سنڌي ٽوپي، اجرڪن ۽ لونگين جا تحفا پيش ڪيا ۽ ممتاز بروھي ۽ سي آئي اي پوليس جي ڏوھارين،منشيات فروشن خلاف ڪارواين جي تعريف ڪئي ۽ سندس خدمتن کي ساراھيو،ان موقعي تي سي آئي اي انچارج ممتاز بروھي عوامي پريس ڪلب جي وفد ۽ سماجي اڳواڻن جو شڪريو ادا ڪيو، ان موقعي تي ھن چيو تہ آئون ڏوھارين ۽ منشيات فروشن سميت سماج دشمن عناصرن جو دشمن آھيان ۽ عوام جو مونکي احساس آھي، ھن چيو تہ تازو مون ايس ايس پي ڊاڪٽر عمران خان جي ھدايتن تي مال جون چوريون ڪندڙ گينگ کي برسٽ ڪري ڪيترائي چورايل ڍور ڀاڳين کي واپس ڪرايا،ھن چيو تہ گجو ۾ مسلسل وارداتون ڪندڙ ڏوھاري گينگ جو پيڇو ڪري ڏوھاري پڪڙي گينگ برسٽ ڪري امن امان ڪرايو،ھن چيو تہ موٽرسائيڪل چور مقامي ۽ ٻاھرين چورن جي گينگ کي برسٽ ڪري گاڏيون رڪور ڪرائي امن امان ڪرايو،ھن چيو تہ رات مون ترڪي ڪالوني مان قتل ڪيس جي وڏي رھزن روپوش جوابدار کي گرفتار ڪيو، ھن چيو تہ اسان منشيات خلاف سختي وڌائي ڇڏي آھي ان سلسلي ۾ عوام کي بہ پوليس سان سھڪار ڪرڻ گھرجي، ھن چيو تہ عوام ڏوھارين ۽ منشيات فروشن جي نشاندھي ڪري تہ پوليس ھڪدم ڪاروائي ڪندي