ٺٽو: جهرڪ پوليس پاران هڪ ڄڻي جي قتل واري واقعي جو مک جوابدار گرفتار ڪرڻ جي دعويٰ

قتل ڪيس ۾ نامزد جوابدار غلام قادر راجپوت کي گرفتار ڪري واردات ۾ استعمال ٿيل پسٽل ۽ ڪار تحويل ۾ وٺي ڇڏي: پوليس

ٺٽو( محمد شفيق ڀٽي) جھرڪ ٿاڻي جي SHO امير بخش کوسو SSP ٺٽو ڊاڪٽر عمران خان جي حڪم تي ڇاپا ھڻي جھرڪ ڀرسان ڳاڙھي مٽي پلانٽ جي تڪرار واري معاملي تي فائرنگ ڪري ھڪ ڳوٺاڻي ياسين ٻٻر کي قتل ۽ مشتاق ٻٻر کي زخمي ڪندڙ ٺيڪيدار قادر پنجابي کي گرفتار ڪري مھراڻ ڪار نمبر BHF 649 ۽ پسٽل برآمد ڪري ورتو مقتول ياسين ٻٻر جي ڀاءُ محمد اسلم ٻٻر جي فرياد تي ايف آء آر نمبر 08/2025 قلم 302, 324 PPC تحت جھرڪ ٿاڻي تي ڪيس داخل ٿيل آھي گرفتار ٺيڪيدار غلام قادر پنجابي کي PS جھرڪ جي SHO امير بخش کوسو سيشن ڪورٽ ٺٽو/ مڪلي ۾ پيش ڪري سندس رمانڊ ورتو ٠فريادي محمد اسلم ٻٻر ايف آء آر ۾ ڄاڻايو آھي تہ اسانجي ھڪ رشتيدار مشتاق ٻٻر جو ديھ ٿرڙي تپو جھرڪ ۾ ڳاڙھي مٽي جو پلانٽ آھي جيڪو غلام قادر نعيمي راجپوت کي ٺيڪي تي ڏنل ھو جنھن پيسا رھيل ھئا ٺيڪدار غلام قادر پنجابي مشتاق ٻٻر کي چيو تہ 2 فيبروري تي پنھنجن مائيٽن کي وٺي اچجان تہ انھن جي روبرو پيسا ڏيندس اسان برادري جي چڱي مڙس غلام نبي ٻٻر سان گڏ اتي پھتاسين تہ ھن پسٽل سان سڌي فائرنگ ڪري منھجي ڀاءَ ياسين ٻٻر کي قتل ۽ مشتاق ٻٻر کي زخمي ڪري سندس مھراڻ ڪار نمبر BHF 649 ۾ لنڪ روڊ تان جھمپير طرف فرار ٿي ويو ٠ٺٽو جي SSP ڊاڪٽر عمران خان ڳوٺاڻي ياسين ٻٻر کي قتل ۽ مشتاق ٻٻر کي زخمي ڪندڙ جوابدار غلام قادر پنجابي کي گرفتار ڪرڻ جھرڪ ٿاڻي جي SHO امير بخش کوسو ۽ سندس ٽيم جي ڪارڪردگي جي واکاڻ ڪندي کيس شاباس ڏني آھي ٠٠