سجاول ۾ باه لڳڻ سبب غريب پورهيت جو گهر سڙي رک

views | 26th Jan 2025 • سنڌي خبرون

ڪچري جي ڍير مان ڀڙڪيل باهه گهر کي وڪوڙي ورتو: نور حسن مڱڻهار

سجاول ۾ باه لڳڻ سبب غريب پورهيت جو گهر سڙي رک

سجاول (رپورٽر) سجاول ۾ باه لڳڻ سبب غريب پورهيت جو گهر سڙي رک ٿي ويو، سجاول شهر جي وارڊ نمبر 7 ۾ غريب پورهيت نورحسن مڱڻھار جي گهر کي باه لڳي وئي جنهن سبب گهر ۾ پيل الهو تلهو سڙي رک ٿي ويو. متاثر نورحسن مڱڻهار جو چوڻ آهي ته گهر ڀرسان ڪچري جي ڍير ۾ باه لڳڻ سبب گهر کي به وڪوڙي وئي جنهن سبب گهر ۾ پيل سمورو سامان هنڌ بسترا ڪپڙا کٽون توڙي کاڌي پيتي جا ٿانو ٺڪر سڙي رک ٿي ويا آھن آئون غريب مسڪين گاڏي تي لوه ڏٻي جي ڦيري ڪري پنهنجي ٻچن جو گذر ڪندو آهيان. متاثر وسوارن کي اپيل ڪئي ته منهنجو الهو تلهو سڙي رک ٿي ويو آھي آئون هن وقت پنهنجن ٻچن سان گڏ کلي آسمان هيٺ ويٺل آهيان مون سان مدد ڪئي وڃي.