ڪراچي جي عبدالستار ايڌي هاڪي اسٽيڊيم ۾ هڪ ڀيرو ٻيهر قومي راند جون رونقون بحال

هاڪي اسٽيڊيم ۾ تعميراتي ڪم مڪمل ٿيڻ شرط 68هين ڊي ايڇ اي ڪراچي قومي هاڪي چيمپيئن شپ 2024ع منعقد

ڪراچي(اسپورٽس نيوز)عبدالستار ايڌي هاڪي اسٽيڊيم ڪراچي ۾ هڪ ڀيرو ٻيهر رانديگرن ۽ عوام لاءِ هڪ سنگ ميل مڪمل ڪري قومي راند جي رونق بحال ڪري ڇڏي آهي. ڊگهي عرصي کانپوءِ پاڪستان هاڪي فيڊريشن ۽ پاڪستان آرمي جي ڪوششن سان ڪراچي جي هاڪي گرائونڊ کي هڪ ڀيرو ٻيهر قومي ۽ بين الاقوامي هاڪي ٽورنامينٽ لاءِ تيار ڪيو ويو، جنهن تي ڪافي عرصي کان فني ۽ معياري ڪم جو انتظار هو. پي ايڇ ايف ۽ پاڪ فوج جي سهڪار سان هاڪي اسٽيڊيم ۾ هاڪي شوقينن کي خوبصورت منظر پيش ڪرڻ لڳو ۽ عوام جو وڏو انگ هاڪي اسٽيڊيم ۾ جاري ميچ ڏسڻ لاءِ پهتو. جيئن ئي هاڪي اسٽيڊيم ۾ تعميراتي ڪم مڪمل ٿيو تھ 68هين ڊي ايڇ اي ڪراچي قومي هاڪي چيمپيئن شپ 2024ع منعقد ڪئي وئي، جنھن ۾ 14 ٽيمن حصو ورتو، قومي چيمپيئن شپ جو فائنل ڏسڻ لاءِ ڪراچي جي عوام پر جوش رھي ۽ رانديگرن جي حوصلا افزائي ڪندي نظر آئي، 14 مان سيمي فائنل تائين چار ٽيمون پھتيون، جن ۾ پاڪستان ڪسٽمز جي ٽيم جو مقابلو نيشنل بينڪ جي ٽيم سان ۽ ماڙي پيٽروليم جو مقابلو ايئرفورس جي ٽيم سان ٿيو، فائنل ميچ ۾ پاڪستان ڪسٽمز ۽ ماڙي پيٽروليم جون ٽيمون پھتيون جن جي وچ ۾ مقابلو ٿيو، جڏھن تھ پاڪستان ڪسٽمز جي ٽيم ماڙي پيٽروليم جي ٽيم کي 9 گولز جي مقابلي ۾ 10 گولز تان شڪست ڏئي فتح حاصل ڪئي ۽ چيمپيئنز قرار ڏني وئي، 68 ھين نيشنل سينيئر ھاڪي چيمپيئن شپ ۾ ڪور ڪمانڊر ڪراچي ليفٽينٽ جنرل بابر افتخار بطور مھمان خصوصي شرڪت ڪئي ۽ حصو وٺندڙ ٽيمن ۽ رانديگرن ۾ انعام ورھايا، ڪور ڪمانڊر رانديگرن جي حوصلي کي ساراھيندي چيو تھ ھاڪي اسان جي قومي راند آھي ۽ قوم جو ھر فرد ۽ اسٽيڪ ھولڊرز ان جي واڌاري لاءِ پنھنجو ڪردار ادا ڪندو رھندو، پاڪستان ھاڪي فيڊريشن جي صدر ۽ جنرل سيڪريٽري سان گڏوگڏ رانديگرن بھ پاڪ فوج جو شڪريو ادا ڪيو ۽ چيو تھ پاڪ فوج جي ڪاوشن سان نھ صرف قومي راندين کي ھٿي ملي آھي پر رانديگرن جا جذبا بھ وڌيا آھن، ھنن جو چوڻ ھو تھ پاڪ فوج ۽ اسان جو ساٿ جاري رھندو ۽ اسان پاڪستان جو نالو روشن ڪرڻ ۾ گڏ ھونداسين.