ٺٽو( محمد شفيق ڀٽي)پاڪستان زنده باد موومينٽ ٺٽو ضلعي جي چيئرمين سيد الطاف حسين شاهه شيرازي ميڊيا سان ڳالهائيندي چيو ته 25 ڊسمبر جو ڏينهن اسان جي قائداعظم محمد علي جناح جي جنم جو ڏينهن آهي، اهو ڏينهن اسان وڏي جوش ۽ جذبي سان ملهائيندا آهيون. قائداعظم محمد علي جناح جي لازوال محنتن سان اسان کي هي آزاد وطن پاڪستان مليو. قائداعظم محمد علي جناح هميشه جمهوريت تي يقين رکيو، اسان جو ملڪ پاڪستان اسان کي پاڪ فوج جي سپاهين جي قربانين ۽ قائداعظم محمد علي جناح جي محنتن سان مليو آهي. اڄ اسين آزاد وطن جا آزاد شهري آهيون، هي وطن اسان جو آهي.سيد الطاف حسين شاهه شيرازي وڌيڪ چيو ته توهان انهن ملڪن کان پڇو جيڪي غلامي جي زنجيرن ۾ جڪڙيل آهن. اسان جي پنهنجي پاڪ فوج آهي، اسان جو ملڪ آزاد آهي، اسان آزاد شهري آهيون. هي سڀ ڪجهه اسان کي پاڪ فوج جي قربانين ۽ قائداعظم محمد علي جناح جي محنتن سان مليو.مان پاڪ فوج جي شهيدن کي خراج تحسين پيش ڪريان ٿو جن جي قربانين سان اسان آزاد وطن جا آزاد شهري آهيون. ۽ ان سان گڏ قائداعظم محمد علي جناح کي به خراج تحسين پيش ڪريان ٿو، جن جي محنتن سان اسان کي هي آزاد ملڪ پاڪستان مليو، ۽ اسين ان جا آزاد شهري آهيون.
0 تبصرے