ڪوھستان ڊولپمينٽ آرگنائيزيشن پاران غريب خاندانن ۾ ڪمبل ورهايا ويا

پير غلام حسين شاھ پنھنجي ٽيم سان گڏ ڳوٺ خالو ميربحر پھچي غريب خاندانن ۾ ڪمبل ورهايا

ٺٽو(ڊر) ڪوھستان ڊولپمينٽ آرگنائيزيشن ضلعي ٺٽي جي صدر پير غلام حسين شاھ پاران پنھنجي ٽيم ملڪ نواز جوکيو، سعيد اللہ جوکيو ۽ نصيبو سان گڏ ڳوٺ خالو ميربحر ۾ پھچي امان معروف ۽ تنزيل خان جي تعاون سان سوين غريب مرد ۽ عورت خاندانن ۾ صحافي محمد ايوب ملاح سان گڏجي ڪمبل (سوڙھيون) تقسيم ڪيون، ان موقعي تي ڪوھستان ڊولپمينٽ آرگنائيزيشن ضلعي ٺٽي جي صدر پير غلام حسين شاھ چيو تہ اسانکي غريب مانھن جي خدمت ۽ مدد ڪرڻ ۾ سڪون ملي ٿو، ھن چيو تہ امان مهروف ۽ تنزيل خان جي تعاون سان تعلقي ٺٽي جي مختلف يوسيز جي ڳوٺن ۾ وڏي تعداد ۾ ھئنڊ پئمپ، سلائي سينٽر، راشن، ڪمبل، ھنڌ، بسترا، چٽايون، ٿانو، گھرن ۾ باٿ روم جوڙائڻ سان گڏ ٻيو ضرورت جو سامان تقسيم ڪري چڪا آھيون، جيئن غريب ماڻھن جون ضرورتون پوريون ٿي سگھن، جيڪو سلسلو بدستور جاري آھي، پير غلام حسين شاھ چيو تہ اھڙو سماجي ڪم ٻين ادارن کي بہ ڪرڻ گھرجي، جيئن غربت ۾ گھٽتائي اچي سگھي، ان موقعي تي ڳوٺ خالو ميربحر جي رھواسين پاران پير غلام حسين شاھ جو ٿورو مڃيندي کين دعائون ڏنيون.