نوشهروفيروز ۾ ستن ڏينهن واري پوليو مهم جي شروعات ٿي وئي

ڪمشنر محمد ارسلان سليم الله واري چوڪ وٽ قائم ٽرانزٽ فڪس پوائينٽ جو دورو ڪيو

نوشهروفيروز (ڊر) ڪمشنر نوشهروفيروز محمد ارسلان سليم اڄ کان شروع ٿيندڙ ستن ڏينهن واري پوليو کان بچاءَ واري قومي مھم جي سلسلي ۾ الله واري چونڪ نوشهروفيروز تي قائم ٽرانزٽ فڪس پوائنٽ جو دورو ڪري ٻارن کي پوليو جا ڦڙا پيارڻ جو جائزو ورتو ان بعد ڊپٽي ڪمشنر ڀريا سٽي جي مين چوڪ ۽ رورل هيلٿ سينٽر ڀريا سٽي جي فڪس پوائنٽس جو دورو ڪري ٻارڙن کي پوليو جا ڦڙا پيارڻ جو معائنو ڪيو ، ان بعد ڊپٽي ڪمشنر ڪنڊيارو شهر ۾ قائم مختلف مرڪزن تي پوليو جا ڦڙا پيارڻ جو جائزو ورتو ۽ اتي موجود ٻارن کي پوليو جي بچاءَ جا ڦُڙا پياريا ان موقعي تي هن پوليو ٽيمن کي ھدايت ڪئي تہ اھي ان ڳالهه کي يقيني بنائين تہ ڪوبہ ٻار پوليو جي ڦڙن پيارڻ کان رهجي نہ وڃي ان موقعي تي اسسٽنٽ ڪمشنر ڀريا شاهد علي سرڪي ۽ اسسٽنٽ ڪمشنر ڪنڊيارو محبت علي ۽ صحت کاتي جا آفيسر موجود هئا .