پريالوءِ ڀرسان ڳوٺ ميهر الدين کيڙو ۾ صحافي جي نوجوان ڀائيٽي مبينا طور اغوا

5ڪار سوار هٿياربند ڀاءُ ثناءُ الله جي گهر تي حملو ڪري سندس 17ورهين جي ڌيءَ دعا کي اغوا ڪري ويا:صحافي نصرالله کيڙو

پريالوءِ (رپورٽر) پريالوءِ ڀرسان يوسي ڳاڙهي موري جي ڳوٺ ميهڙ الدين کيڙو ۾ ثناءُالله کيڙو جي گھر تي 5 کان وڌيڪ نامعلوم هٿياربندن حملو ڪري گھر ۾ داخل ٿي گھر مان 17 سالا نوجوان ناري دعا ڌيءَ ثناءُالله کيڙو کي مبينا طور تي اغوا ڪري ڪار ۾ کڻي سوار ٿي فرار ٿي ويا، جڏهن ته واقعي جي اطلاع تي پريالوءِ پوليس واقعي واري هنڌ پهچي معلومات وٺڻ بعد علائقي ۾ ناڪابندي ڪرائي ڇڏي آهي، جڏهن ته صحافين پاران رابطو ڪرڻ تي اغوا ٿيل ناري جي چاچي صحافي نصرﷲ کيڙو ٻڌايو ته اسان پنهنجي گھر ۾ ستل هئاسين ته 5 کان وڌيڪ هٿياربند گھر ۾ داخل ٿي منهنجي ڀائٽي دعا کيڙو کي هٿيارن جي زور تي اغوا ڪري ڪار ۾ سوار ٿي کڻي فرار ٿي ويا، هوڏانهن پريالوءِ پوليس رابطو ڪرڻ تي ٻڌايو ته واقعي جي جاچ ڪري رهيا آهيون، جلد معاملي جو پتو لڳائي ڇوڪري کي بازياب ڪرائي هٿياربندن کي گرفتار ڪيو ويندو،