ڪراچي: امير بخش ۽ ضميران جي شادي واري معاملي ۾ نئون رخ، سندس اڳوڻي گھر واري سامهون اچي وئي

منھنجي رضا مندي بعد مڙس ضميران ملاح سان شادي ڪئي، حلف نامي جي ڪاپي مون وٽ موجود آھي: مٺل خاتون

ڪراچي (اعجاز چانڊيو)گڏاپ ٽائون جي ديھ شاھ مريد. منو شھڻو برفت ڳوٺ جي رھواسڻ مٺل خاتون ٻارين ٻچي پنھنجي مڙس جي آزادي لاء احتجاج ڪيو. ان موقعي تي صحافين سان ڳالھائيندي سندس چوڻ جو ته مڙس امير بخش برفت ڪجھ مھينا اڳ منھنجي رضا مندي سان ضميران ملاح سان ملير ڪورٽ ۾ شادي ڪئي. جنھن بعد ضميران منھنجي مڙس جي ورغلائي پنھنجي مائٽن ڏي وڃڻ بعد شادي کان انڪار ڪندي منھنجي مڙس مٿان ڪوڙو الزام ھڻي کينس پڪڙائي جيل حوالي ڪري ڇڏيو. جيڪو ڇھن مھينن کان جيل به بند آھي. جنھن سبب منھنجا ٻچا دربدر آھن گھر ۾ کائڻ پيئڻ لاء ڪجھ به ناھي ۽ اسان جي ڪمائڻ لاء واحد فرد ھيو جيڪو ڪمائي کارائيندو ھيو. ھن جي جيل ۾ وڃڻ بعد گھر جو ھلڻ مشڪل ٿي ويو آھي. اسان ھاڻي فاءا ڪشي واري زندگي گزارڻ تي مجبور آھيون. ھن چيو ته ضميران ملاح پاڻ منھنجي مڙس امير بخش برفت سان پنھنجي رضا مندي سان شادي ڪئي جئي جيڪا پنھنجي پيڪي وڃڻ بعد ڦري وئي ۽ مڙس تي اغوا جو الزام ھڻي ان کي جيل ۾ وجھرايو آھي. منھنجي مڙس ضميران کي اغوا نه ڪيو ھيو ھن پنھنجي رضا مندي سان امير بخش برفت سان شادي ڪئي ھئي. ھن ڪورٽ کي اپيل ڪندي چيو ته معاملي جي ٻيھر جاچ ڪرائي منھنجي مڙس کي آزاد ڪرايو وڃي. ھو بيقصور ۽ بيگناھ آھي جيڪو ڇھن مھينن کان جيل ڪسٽڊي ۾ آھي