وٺي هر هر جنم وربو مٺا مهراڻ ۾ ملبو جي تخليقڪار ۽ قومي ڪارڪن جمن دربدر جي وڇوڙي کي 2 سال پورا

کاهوڙي ڪردار ماما جمن دربدر جي ورسي تي اباڻي ڳوٺ روحل واءِ ۾ جلسو منعقد

عمرڪوٽ (ڪانجي مل رکيسر) وٺي هر هر جنم وربو مٺا مهراڻ ۾ ملبو جو تخليقڪار سنڌ ۽ سيد جو يگانو عاشق گائڪ شاعر کاهوڙي ڪردار قومي ڪارڪن شاعر ماما جمن دربدر جي ٻي ورسي ملهائي پئي وڃي ڪتاب جي مهورت ڪئي وئي سنڌ جي ناليواري کاهوڙي ڪردار قومي ڪارڪن شاعر ماما جمن دربدر جي ٻي ورسي جي موقعي تي جمن يادگار ڪاميٽي طرفان اباڻي ڳوٺ روحل واءۡ ۾ جلسي لاءۡ پنڊال سجايو ويو ناليواري اديبن تاج جويو, ننگر چنا, مير حسين آريسر, هدايت الله قريشي, امير حسن پنهور ٻين ماما جمن جي آخري آرام گاهه تي گلن جي چادر چاڙهي ماما جمن دربدر تي لکيل تاثراتن جي ڪتاب سچي سرهاڻ ۾ لکبو جي مهورت ڪئي عمرڪوٽ ماما جمن دربدر سياست کي دل عطا ڪئي ۽ ان دل ۾ دڙڪن به پيدا ڪئي ماما جمن دربدر بسن ۾ چڙهي سوين ڪلو ميٽر پيرين پنڌ ڪري قومي آواز کي جديد قومپرستي جو آواز ڏئي سنڌ جي جرجهنگ تائين امن پيار ۾ محبت جو پيغام پيکڙيو ماما جمن دربدر سائين جي ايم سيد جو فڪري پيروڪار هو هن جو دستر خوان ڪشادو هو ماما جمن ڌرتي لاءۡ پنڌ ڪري ماڻهن ۾ سجاڳي آڻڻ لاءۡ پاڻ پتوڙيو سنڌ جي ڪنڊ ڪڙڇ کان هزارين قومي ڪارڪن اديب شاعر ماما جمن دربدر وٽ پهچي ڪچهريون ڪري لاڀ حاصل ڪندا ماما جمن دربدر سنڌ قوم لاءۡ تبليغ ڪري سنڌ جي ماڻهن ۾ شعور آڻڻ لاءۡ ڀرپور ڪردار ادا ڪيو ماما جمن کي ڪڏهن به وساري نٿو سگهجي ماما جمن جي ڪيل پورهيي کي تاريخ ۾ هميشه ياد رکيو ويندو,