نصيرآباد ۾ قومپرست اڳواڻ ۽ استاد ھدايت الله لوھار جي قاتلن جي گرفتاري لاءِ 12ھين ڏينھن بھ احتجاج جاري

12 views | 27th Feb 2024 • سنڌي خبرون

نصيرآباد ۾ قومپرست اڳواڻ ۽ استاد ھدايت الله لوھار جي قاتلن جي گرفتاري لاءِ 12ھين ڏينھن بھ احتجاج جاري

نصيرآباد (رپورٽر) نصيرآباد ۾ جسٽس فار ھدايت ايڪشن ڪميٽي پاران 12 ڏينهن به قومپرست اڳواڻ ۽ استاد ھدايت الله لوھار جي قاتلن جي گرفتاري لاء سندس ڌيئرن سسئي ۽ سورٺ لوهار جي اڳواڻي ۾ نوناري محلي کان احتجاجي ريلي ڪڍي وئي جنھن ۾ وڏي انگ ۾ عورتن، معصوم ٻارڙن، شهرين ۽ ڪارڪنن شرڪت ڪئي، ان موقعي تي ريلي کي سورٺ لوهار، استاد اشفاق مسڻ ۽ سرتاج احمد چانڊيوخطاب ڪندي چيو ته اڄ استاد ھدايت الله لوھار جي قتل کي 12 ڏينهن گذرڻ باوجود قاتل گرفتار نه ٿيا آهن ۽ نه ئي اسان جي مرضي موجب ايف آئي آر داخل ڪئي پئي وڃي، هنن وڌيڪ چيو ته اسين استاد ھدايت الله لوھار جي قاتلن جي گرفتاري تائين هي احتجاجي تحريڪ جاري رکنداسين.