ڪراچي جي سياسي سماجي اڳواڻ پاران ھندو برادري کي ڏياري جون مبارڪون

ڪراچي جي سياسي سماجي اڳواڻ پاران ھندو برادري کي ڏياري جون مبارڪون

ڪراچي(اسٽاف رپورٽر) سياسي ۽ سماجي اڳواڻ ڊاڪٽر شام سندر ڪي آڏواڻي ڏياري جي شڀ ڏڻ جي موقعي تي سنڌ سميت سموري ملڪ ۾ رھندڙ ھندو ۽ مسلمان ڀائرن کي ڏياري جون واڌايون ڏيندي چيو آهي تہ ڏياري دراصل روشنين جو ڏڻ آهي،جنھن جو مقصد برائي مٿان چڱائي ۽ اوندھ مٿان روشنيءَ جو غالب اچڻ آهي.اسان کي پنھنجي سوچ ۽ عمل ذريعي امن ۽ محبت جي روشني ڦھلائڻي پوندي.ھن وڌيڪ چيو تہ ڏياري اسان کي پيغام ڏئي ٿي تہ اوندھ ڪيتري بہ گھري ھجي پر ان کي ختم ڪرڻ لاءِ ھڪ ڏيئو جلائڻ ئي ڪافي ھوندو آهي. ڏياري ان ڳالھ جو احساس ڏياريندي آهي تہ اسان ھڪٻئي سان پيار،محبت ۽ دوستيءَ جو ناتو جوڙي ھڪٻئي جون زندگيون روشن ڪري سگھون ٿا.ھن ڏياري جي موقعي سمورن سڄڻن ۽ گھڻ گھرن طرفان نيڪ تمنائن جي اظھار ۽ مبارڪباد ڏيڻ تي سندن ٿورا پڻ مڃيا.