ڊپٽي ڪمشنر شڪارپور پاران پوليو مھم جي حوالي سان انتظام مڪمل ڪرڻ جي ھدايت

ڊپٽي ڪمشنر شڪارپور پاران پوليو مھم جي حوالي سان انتظام مڪمل ڪرڻ جي ھدايت

شڪارپور (احسان ابڙو ) ڊپٽي ڪمشنر شڪارپور الطاف چاچڙ جي صدارت ۾ اين آء ڊي ريڊينيس پوليو گڏجاڻي 27 نومبر کان 03 ڊسمبر تائين پوليو مهم ٿي رھي آھي. زيرو ڊوز 97 فيصد مڪمل ٿي چڪو آهي. مظهر ڄامڙو تفصيل موجب 27 نومبر سومر ڏينهن کان شروع ٿيندڙ پوليو مهم جي تيارين بابت ڊپٽي ڪمشنر آفيس شڪارپور ۾گڏجاڻي ٿي گذري. گڏجاڻيءَ جي صدارت ڊپٽي ڪمشنر شڪارپور الطاف احمد چاچڙ ڪئي . گڏجاڻيءَ ۾ بريفنگ ڏيندي ڊي پي سي انچارج ڊاڪٽر امتياز حسين ميتلو ٻڌايو ته اين آء ڊي پوليو مهم 27 نومبر کان شروع ٿيندي ، جيڪا 7 ڏينهن تي مشتمل هوندي. هن ٻڌايو ته هن دفعي 3 لک 40 هزار 1 سؤ 59 اڻھٺ ٻارن کي پوليو جا قطرا پياريا ويندا ، جنھن لاءِ 830 گشتي ٽيمون جوڙيون ويون آهن. تعلقي شڪارپور جون 15 ، خانپور 10، لکي غلام شاه 11، ڳڙهي ياسين 13 يوسيون شامل آهن ھن چيو ته مرزاپور ۾ ٽيمن سان گڏ پوليس سڪيورٽي ڏني وڃي ۽ ما ئڪرو پلان ۾ سڀ يوسيون پاس رهيون آھن. هن چيو ته مائڪرو پلان ۾ يوسي 2 ۽ ڪجھ يوسين ۾ سڪيورٽي جو مسئلو درپيش آيو آهي. وارياسو ۽ ٻانڀيهڙ يوسي جيڪا ڳڙهي ياسين جي حد ۾ آهي اتي اسان کي پوليس فورس ۽ مانيٽرنگ کي وڌائڻو پوندو. ھن چيو ته هن وقت اڃان به وڌيڪ ویڪسین اچي پئي ۽ اسان هن دفعي 97 فيصد زيرو ڊوز ٻار مڪمل ڪيا آهن. هن چيو ته هن دفعي اسان جون 40 ٽرانزٽ پوائنٽون آهن. گڏجاڻي سان ڳالهائيندي ڊي ايس پي شڪارپور يار محمد چيو ته پوري ضلعي ۾ جتي به پوليو ٽيمن کي پوليس سڪيورٽي جي ضروت پوندي ته اسين سڪيورٽي مھيا ڪنداسين. گڏجاڻيءَ سان ڳالهائيندي ڊپٽي ڪمشنر شڪارپور الطاف احمد چاچڙ چيو ته ايندڙ پوليو مهم کي ڪامياب ڪرڻ لاءِ مائڪرو پلان تي عمل ڪيو وڃي ۽ اي پي آء وارا روزانه جي بنياد تي پنهنجي فيلڊ ڪم جاري رکن ۽ ٻارن کي 6 حفاظتي بيمارين کان بچاءَ جا ٽڪا لڳائن. گڏجاڻيءَ ۾ ڊي ايچ او ڊاڪٽر پرويز سومرو ، ڊاڪٽر فيضان ، واجد علي فوڪل پرسن ۽ چئني تعلقن جي اسسٽنٽ ڪمشنرن ، تعليم ، انفارميشن کاتن جي عملدارن پاران شرڪت ڪئي وئي