موھن جو دڙو ۾ ميھڙ واقعي رٽائرڊ استاد جو احتجاجي مظاھرو

ڳوٺ محراب لاکير جي رهواسي رٽائر استاد غلام عباس آگرو پاران احتجاج ڪيو ويو

موهن جو دڙو(رپورٽر)ميهڙ جي ڳوٺ محراب لاکير جي رهواسي رٽائر استاد غلام عباس آگرو پاران سندس خلاف پلاٽ جي معاملي تي ڪوڙا ڪيس ۽ ڌمڪيون ڏيڻ تي جوابدار خلاف موهن جو دڙو پريس ڪلب اڳيان احتجاج ڪيو،ان موقعي تي احتجاج ڪندڙ رٽائر استاد غلام عباس آگرو ميڊيا سان ڳالهائيندي چيو ته جوابدار طارق لغاري سندس پلاٽ تي قبضو ڪرڻ لاء 2 ڏينهن اڳ هنن تي حملو ڪيو.جنهن ۾ سندس پٽ ۽ ڀائٽيو شديد زخمي ٿي پيا جن کي لاڙڪاڻو اسپتال داخل ڪيو آهي.هن چيو ته جوابدار سندس مٿان مبينا طور پاڻ گولي هڻي زخمي ڪرڻ جي ڪوڙي خبر سوشل ميڊيا تي وائرل ڪئي آھي.جڏهن تہ مان زخمين سان گڏ لاڙڪاڻي ۾ آيل آهيان.هن چيو ته جوابدار طارق لغاري فراڊي ۽ ٺڳ ماڻهو آهي جيڪو مختلف ماڻهن تي ڪوڙا ڪيس ڪري بليڪ ميل ڪرڻ ۾ مشهور آهي.هن چيو ته هن مان کين جاني خطرو آهي هن ڊي آء جي ايس ايس پي کان مطالبو ڪندي گهر ڪئي آھي ته نوٽيس وٺي ساڻس انصاف ڪيو وڃي.ٻي صورت ۾ احتجاج جو دائرو وسيع ڪيو ويندو.