دادو ۾ اسلامڪ رليف پاڪستان پاران ڊي سي ۽ مختلف کاتن جي سربراھن سان اجلاس

57 views | 27th Sep 2023 • سنڌي خبرون

اجلاس ۾ محبوب، صالح منگي، فدا حسين، علي امان ۽ ايڊووڪيٽ اينڊ اينگيجمينٽ آفيسر مس زهرا بھ شريڪ

دادو (ڊ ر) اسلامڪ رليف پاڪستان پاران ڊپٽي ڪمشنر دادو ۽ ٻين سرڪاري کاتن جي سربراهن پي ايڇ ڊي، هيلٿ، سوشل ويلفيئر، ڊسٽرڪٽ هيڊ ايگريڪلچر ايڪسٽينشن، لائيو اسٽاڪ کاتي سان ڪوآرڊينيشن اجلاس ٿيو، اجلاس جي صدارت ڊي سي دادو فياض حسين راهوجو ڪئي، اجلاس جو مقصد IRP پروجيڪٽ جي سرگرمين کي انجام ڏيڻ لاءِ لائن ڊپارٽمينٽن سان ڪوآرڊينيشن وڌائڻو هو. اسلامڪ رليف پاڪستان جي ايريا پروگرام مئنيجر سنڌ محبوب، سينيئر پراجيڪٽ آفيسر صالح منگي، فدا حسين، لائيو هود آفيسر علي امان ۽ ايڊووڪيٽ اينڊ اينگيجمينٽ آفيسر مس زهرا پڻ اجلاس ۾ شرڪت ڪئي ۽ پاڪستان خاص ڪري سنڌ ۾ IRP پروجيڪٽ جي سرگرمين تي خيالن جي ڏي وٺ ڪئي.اجلاس ۾ ڊپٽي ڪمشنردادو فياض حسين راهوجو چيوته سڀني کاتن جي آفيسرن ۽ سماجي تنظميمين جي نمائندن کي گهرجي انسان ذات جي خدمت ڪرڻ لاء ميهڙ، ڪي اين شاه ۽ جوهي ۾ ٻوڏ متاثرين کي وڌ۾ وڌ پرگهورلهڻ گهرجي ۽ انهن کي زندگي جون سڀ سهوليتون فراهم ڪن جن ۾ تعليم ، صحت ، پيئڻ جوصاف پاڻي ، روڊ ، جانورن کي مختلف بيمارين جي بچاء کان محفوظ رکڻ واسطي انهن کي ٽڪا لڳايا وڃن