ڪشمور ۾ جماعت اسلامي پاران مهنگائي خلاف احتجاجي مظاهرو

امير افضل عطا ڪلوڙ جي اڳواڻي ۾ ريلي ڪڍي وئي

ڪشمور (ڊ ر) ڪشمور ۾ جماعت اسلامي پاران مهنگائي خلاف احتجاجي مظاهرو ڪيو ويو آهي جماعت اسلامي ڪشمور جي امير افضل عطا ڪلوڙ جي اڳواڻي ۾ نڪتل ريلي ۾ جماعت اسلامي ڪارڪنن هٿن ۾ پلي ڪارڊ کڻي جامع مسجد کان نادرا چوڪ تائين ريلي ڪڍي نعريبازي ڪئي وئي اڳواڻن چيو ته رڌ پچاءَ جي شين اٽو کنڊ گيھ زرعي زمين جي کاڌ ٻج ڀاڻ ۽ بجلي گئس جا ڏينهون ڏينهن چوٽ چڙهيل اگهه ۽ گاڏين جا ڪرايا گھٽائڻ جو مطالبو ڪيو ان موقعي تي خطاب ڪندي جماعت اسلامي ڪشمور جي اڳواڻن افضل عطا ڪلوڙ ، ڊالفقار علي ملڪ. منظور احمد چاچڙ ،وزير احمد چنہ.نياز حسين چنا. زيبر منگي. رحيم بخش سولنگي، برڪت گل جکراڻي ۽ ٻين چيو ته گذريل حڪومت جيان موجودا نگران حڪومت به نااهل آهي نگران حڪومت اقتدار ۾ اچڻ سان ئي عوام تي پيٽرول بم ڪيرائي ڇڏيو اٽو بليڪ تي وڪرو ٿيڻ لڳو آهي اٽي جون قيمتون آسمان تي پهچائي عوام کي خودڪشي تي مجبور ڪيو ويو آھي مھانگائي جي چڪي ۾ پيسيل عوام کي رليف ڏيڻ بدران عام واهپي جي شين ۾ اضافو ڪري عوام جي وڌيڪ مشڪلات ۾ اضافو ڪري ڇڏيو آهي پي ڊي ايم جون عوام کي رليف ڏيڻ جون دعوائون ڪوڙيون ته ثابت ٿيون پر هاڻ نئي اقتدار تي ويهندڙ نگران حڪومت به غريب عوام کي پيٽرول جي قيمتن ۾ اضافو ڪرڻ جي صورت ۾ خبردار ڪيو آهي ته حڪومت ۾ ڪير به اچي ان جي ترجيحات ۾ غريب شامل نه آھن نگران حڪومت ۾ اچڻ کان پوءِ عوام دشمن پاليسي اختيار ڪري مايوس ڪيو ويو آهي حالانڪه نگران حڪومت جو ڪم صرف صاف ۽ شفاف اليڪشن ڪرائڻ آهي اڳواڻن وڌيڪ ڳالهائيندي چيو ته گذريل 70 سالن کان وٺي عوام کي بيوقوف ڪندڙ پارٽين ته عوام کي ڏک تڪليف مهنگائي ۽ مايوسي کان سواءِ ڪجهه به نه ڏنو پر ھاڻي نگران حڪومت به گذريل حڪومتن جي طرز تي عمل پيرا آهي جماعت اسلامي پيٽرول جي وڌندڙ اگهن کي مسترد ڪندي نگران حڪومت کان مطالبو ڪيو ته اٽو واپرائڻ جي شين جا وڌيل ريٽ فلفور گھٽ ڪيا وڃن نه ته ٻي صورت ۾ احتجاج جو دائرو وڌايو ويندو