دادو ۾ مھانگائي چوٽ چڙھيل، عام واھپي جون شيون عوام جي پھچ کان پري

سبزين، ميووي توڙي مرغي ۽ گوشت جي اگھن ۾ ھٿرادو واڌ سبب رھواسي پريشان

دادو (رپورٽ عبدلعزيز ٻٻر) دادو شھر اندر هٿرادو مهانگائي سبب دادو جي غريب مسڪين مزدور پورهيت طبقي کان جيئڻ جو حق کسي ورتو آهي دادو شھر ۾ هن وقت هوٽلن ۽ ڊيري ملڪ جي دڪانن تي ڪيئميڪل واري کير جو وڪرو سرعام ھلي رھيو آهي ۽ جڏهن ته شھر اندر چانھ جو في ڪوپ 50 روپين کان 80 روپيا ھلي رھيو آهي ۽ ڪيئميڪل وارو کير 200 کان 230 روپيا في ڪلو , مرغي جو گوشت 530 کان 700 , مڇي ڪلو 400 روپين مان 500 , پٽاٽا 60 روپيا ڪلو وارو 100 روپيا ڪلو بصر ڪلو 80 روپين وارو 100 ڪلو , ٽماٽر 120 روپين وارو 200 روپيا في ڪلو, فروٽ صوف في ڪلو 150 کان 200 روپين مان 300 ڪلو انار 150 وارو 400 روپيا , ڪيلا 60 روپيا درجن وارو 100 روپيا وڪرو ٿي رهيو آھي , واپاري , دڪاندار ملي ڪري دادو ۾ هٿرادو مهانگائي ڪري عوام کي ٻنهي هٿن سان ڦري رھيا آهن , دادو شھر اندر هٿرادو مهانگائي سبب دادو جي غريب مسڪين مزدور پورهيت طبقي کان کان جيئڻ جو حق کسي ورتو آهي مارڪيٽ ڪاميٽي جو چيئرمين اگهور ننڊ ۾ ستل آهي ضلعي انتظاميا به خاموش تماشائي بڻيل عوام خدڪشي ڪرڻ تي مجبور دادو جي شھرين غريب مسڪين پورهيت مزدور ۽ يوٿ يلفيئر سوسائٽي ضلع دادو جي اڳواڻن سليم اختر پنهور سماجي اڳواڻ محبوب علي سومرو قربان علي کوسو علي گل پنهور شاهد علي گوپانگ پاران ڊپٽي ڪمشنر دادو فياض حيسن راهوجو اسسٽنٽ ڪمشنر دادو ڊاڪٽر شاهنواز ميراڻي کي نوٽيس وٺڻ جي اپيل ڪندي چيو ته هنگامي بنيادن تي دادو شھر ۾ ھٿرادو مهانگائي ڪندڙن منافا خورن ۽ مارڪيٽ ڪاميٽي جي چيئرمين ۽ ساٿيارين سبزي فروٽ کپائيندڙ سبزي منڊي جي واپارين دڪاندارن ۽ ڪيئميڪل وارو کير وڪرو ڪندڙ هوٽل مالڪن ۽ ملڪ ڊيري دڪاندارن خلاف سخت قانوني ڪاروائي جو مطالبو ڪري ڇڏيو نه ته يوٿ ويلفئير سوسائٽي ضلع دادو پاران احتجاجي تحريڪ ھلائي ويندي