دادو ۾ صحافين ۽ شھرين جو اي سيڪشن ٿاڻي جي ايس ايڇ او خلاف احتجاج

139 views | 13th Sep 2023 • سنڌي خبرون

ايس ايڇ او اڪبر چنا آفتاب جمالي ۽ ٻين صحافين کي موتمار ڌمڪيون ڏئي رھيو آھي، نوٽيس ورتو وڃي

دادو (رپورٽر) دادو اي سيڪشن ٿاڻي جي ايس ايڇ او اڪبر چنا خلاف صحافي برادري ۽ شھرين علامه آء آء قاضي لائبريري پارڪ کان ريلي ڪڍي Ssp آفيس جي گيٽ آڏو احتجاجي مظاھرو ڪيو احتجاج ڪندڙن چيو ته دادو شھر اندر چورين ڦورن منشيات جوا ۽ امن امان نه ھجڻ جون خبرو ھلائن تان ايس ايڇ او دادو اڪبر چنا صحافين تي ڏمرجي پيو آھي ۽ صحافين کي ڌمڪائڻ لڳو آھي ۽ سنڌ پريس ڪلب جي صدر آفتاب جمالي کي موت مار ڌمڪيون ڏيڻ لڳو جنھن جي سخت لفظن ۾ مذمت ڪيون ٿا آفتاب جمالي ھميشه غريب مظلوم عوام جو آواز بنجي شھر ين جي ھر جائز مسئلن ۾ ھميشه ڪردار ادا ڪيو آھي صحافين ۽ شھرين ايس ايس پي دادو شبير سيٺار ۽ اعلا ادارن کان مطالبو ڪيو ته ڌمڪيو ڏيڻ جي صاف شفاف جانچ ڪئي وڃي ۽ ايس ايڇ او اڪبر چنا خلاف ڪروائي ڪري صحافين کي تحفظ فراھم ڪيو وڃي ٻئي صورت ۾ احتجاج جو دائرو وڌايو ويندو