ملير: معروف سماجي شخصيت حاجي احمد خاصخيلي جي جنازي نماز ادا

جنازي نماز ۾ علائقي جي سياسي، سماجي ۽ مذهبي شخصيتن سميت سوين ماڻهن شرڪت ڪئي

ملير (رپورٽ: عبدالرشيد مورجھريو) پيپلز يوٿ آرگنائيزيشن پي ايس 87 جي سينيئر نائب صدر شبير خاصخيلي جي مامو ۽ يوسي چشمه ڳوٺ خاصخيلي برادري جي معزز شخصيت حاجي احمد خاصخيلي جي جنازي نماز ادا ڪئي وئي، جنهن ۾ علائقي جي سياسي، سماجي ۽ مذهبي شخصيتن سميت سوين ماڻهن شرڪت ڪئي جنازي نماز ۾ سماجي اڳواڻ غني دائود جت، سيد آغا شاهه پسند، امير جت، يوسي چشمه ڳوٺ جي چيئرمين عمران يوسفزئي، مصطفىٰ جت، جاويد خاصخيلي، الطاف بوزدار ۽ ٻين معززن وڏي انگ ۾ شرڪت ڪئي ان موقعي تي شرڪت ڪندڙن مرحوم جي مغفرت، درجات جي بلندي ۽ پونئيرن لاءِ صبر جميل جي دعا گهري. مقررن ۽ شرڪت ڪندڙن حاجي احمد خاصخيلي جي سماجي خدمتن کي ڀيٽا پيش ڪندي چيو ته سندس وڇوڙي سان علائقو هڪ مخلص، باوقار ۽ عوام دوست شخصيت کان محروم ٿي ويو آهي مرحوم جي لاڏاڻي تي علائقي ۾ ڏک ۽ سوڳ جي فضا ڇانيل آهي، جڏهن ته مختلف سياسي، سماجي ۽ برادري تنظيمن پاران پڻ ڏک ۽ افسوس جو اظهار ڪيو ويو.