ابراهيم حيدري پوليس جي ڪارروائي، منشيات ھٿ

ملير (رپورٽ: عبدالرشيد مورجھريو) ايس ايڇ او ٿاڻو ابراهيم حيدري غوث بخش اعواڻ جي اڳواڻي ۾ پوليس گٽڪا ماوا تيار ڪندڙ ۽ وڪرو ڪندڙ عناصرن خلاف ڪامياب ڪارروائي ڪندي هڪ جوابدار کي گرفتار ڪري ورتو، جڏهن ته سندس قبضي مان وڏي مقدار ۾ گٽڪا ماوا ۽ ڇاليه هٿ ڪئي وئي، پوليس موجب گشت دوران چائنا ڪٽ، ريڙهي روڊ ابراهيم حيدري وٽ هڪ مشڪوڪ سوزوڪي گاڏي نمبر RW-1233 کي روڪي تلاشي ورتي وئي. تلاشي دوران گاڏي مان 4 ڪلو گٽڪا ماوا ۽ 70 ٿيلها ڇاليه، جن جو گڏيل وزن لڳ ڀڳ 1050 ڪلوگرام آهي، هٿ ڪيا ويا، پوليس موقعي تي موجود ڊرائيور عزت الله ولد زير الله کي گرفتار ڪري سندس خلاف گٽڪا ماوا ايڪٽ جي دفعه 8(1) تحت ڪيس نمبر 532/2026 داخل ڪري ڇڏيو آهي، پوليس اختيارين جو چوڻ آهي ته گرفتار جوابدار جو اڳوڻو ڏوهاري رڪارڊ پڻ موجود آهي ۽ سندس خلاف سال 2025ع ۾ ٿاڻو ڌاٻيجي تي ڪيس نمبر 223/2025 گٽڪا ماوا ايڪٽ جي دفعات 3، 4، 5 ۽ 8 تحت پڻ داخل ٿي چڪو آهي، ايس ايڇ او غوث بخش اعواڻ پنهنجي عزم جو اظهار ڪندي چيو آهي ته ٿاڻي ابراهيم حيدري جي حدن اندر گٽڪا ماوا سميت ٻين ممنوعه شين جي ڪاروبار ۾ ملوث عنصرن خلاف بنا امتياز ڪارروايون جاري رکيون وينديون، جيئن علائقي کي ڏوهن کان پاڪ بڻائي سگهجي