ملير جو متحرڪ سماجي اڳواڻ رحيم بخش لاشاري لاڏاڻو ڪري ويو

رحيم بخش لاشاري جي جنازي نماز علي محمد لاشاري ڳوٺ ۾ ادا ڪئي وئي

ملير (رپورٽ: عبدالرشيد مورجھريو)ملير جو متحرڪ سماجي اڳواڻ رحيم بخش لاشاري لاڏاڻو ڪري ويو سندس جنازي نماز علي محمد لاشاري ڳوٺ ۾ ادا ڪئي وئي جنهن ۾ سياسي، سماجي، صحافتي شخصيتن سميت علائقي واسين وڏي تعداد ۾ شرڪت ڪئي جنازي نماز ۾ سماجي اڳواڻ سيد خدا ڏنو شاهه، ٽائون ميمبر حاجي منظور عارفاڻي، هاشم لاشاري، ڄام جميل لاشاري، رئيس مقبول لاشاري، عوامي پريس ڪلب ملير جي صدر سيد سجاد علي شاهه، سيد عنايت علي شاهه، مشتاق گبول، سليمان شاهه، عبدالرؤف گبول، اجمل ڪلمتي ۽ ٻين معززن شرڪت ڪئي مرحوم کي مقامي قبرستان ۾ سوين آلين اکين سان مٽي ماءُ حوالي ڪيو ويو ان موقعي تي سياسي ۽ سماجي اڳواڻن مرحوم رحيم بخش لاشاري جي لاڏاڻي تي گهري ڏک ۽ افسوس جو اظهار ڪندي چيو ته رحيم بخش لاشاري هڪ بي لوث، ملڻسار ۽ عوامي مسئلن جي حل لاءِ هميشه اڳڀرو رهندڙ سماجي اڳواڻ ھو سندن خدمتون هميشه ياد رکيون وينديون