خيرپور ناٿن شاھ ڀرسان ڳوٺ آڍو خان گاڏهي واسي سوشل ورڪر گهر آڏو قتل

هٿياربندن جي فائرنگ ۾ محمد گاڏھي مارجي ويو، سندس لاش اسپتال منتقل ڪيو ويو

خيرپور ناٿن شاھ (رپورٽر) خيرپور ناٿن شاھ ڀرسان ڳوٺ آڍو خان گاڏهي جي رهواسي سوشل ورڪر نوجوان محمد گاڏھي گھر اڳيان ھٿياربندن ھٿان فائرنگ ۾ مبينا طور قتل ڪيو ويو، فائرنگ ٻڌي گھر ڌڻي ۽ ڳوٺاڻن پوليس کي اطلاع ڏنو لاش جي پوسٽ مارٽم لاءِ اسپتال آندو ويو جتي ڊاڪٽرن پاران ضروري ڪارروائي بعد لاش وارثن حوالي ڪيو ويو لاش ڳوٺ پهچڻ تي ڪهرام مچي ويو گھر ڌڻي اوڇنگارون ڏئي روئيندا رهيا، ياد رھي ته ھڪ ڏينھن اڳ مقتول سوشل ورڪر محمد گاڏھي جنھن پنھنجي سوشل ميڊيا تي پيغام لکي رکيو ته ڪجھ ماڻھون مون کي مارڻ لاءِ ٿريڊ ڏئي رهيا آهن ۽ ڪجھ به ته مون کي ۽ وارثن دوستن کي ڪجھ به ٿيو ته ان جا ذميوار اهي سڀ ھوندا ھن آئي جي سنڌ، ڊي آء جي حيدرآباد۽ ايس ايس پي دادو کي بار بار سوشل ميڊيا تي پڻ لکندو رهيو پر ھن ڪنھن آفيسر ھڪ نه ٻڌي . جنھن بعد صبح جو سوير اھو واقعو پيش آيو ھوڏانھن خيرپور ناٿن شاھ ٿاڻي تي واقعي جو ڪوبه ڪيس داخل نه ڪري سگهي نه ئي جوابدار گرفتار ٿي سگهيا.