نوشهروفيروز ۾ ڳوٺ کاھي راھو واسي ڊاڪٽر جو احتجاج

3ايڪڙ زمين خريد ڪئي ھئي، قبضو به اسان وٽ آهي: ڊاڪٽر رحمت الله چنه

نوشهروفيروز(ڊ ر) ڳوٺ کاھي راھو جي رھواسي ڊاڪٽر پاران موتمار ڌمڪيون ملڻ خلاف پريس ڪلب نوشهروفيروز آڏو احتجاج ڪرڻ بعد ميڊيا سان ڳالهائيندي ڊاڪٽر رحمت الله چنه ٻڌايو ته ھن ۽ سندس والد انور راجپوت کان 3 ايڪڙ زمين جيڪا ديھ کاھي قاسم ۾ سروي نمبر 162/1 ۾ واقع آھي خريد ڪئي ھئي جنھن جي ادائگي پڻ ٿيل آهي ۽ زمين جو قبضو به اسان وٽ آھي پر ھاڻي ڄاڻايل ڌر لالچ ۾ اچي وئي آھي ۽ زمين جو قبضو خالي ڪرڻ لاءِ موتمار ڌمڪيون ڏئي رھي آھي جنھن ڪري اسان عدم تحفظ جو شڪار آھيون. هنن چيو ته انور راجپوت سندس ڀاءُ شڪيل راجپوت وارن سان زمين جي خريداريء جي حوالي ٿيل ايگريمينٽ سميت سمورا دستاويزي ثبوت اسان وٽ موجود آهن پر هاڻي خبر پئي آهي هو زمين ڪنهن بااثر ڌر کي وڪڻڻ جي ڪوشش ڪري رهيا آهن ھنن چيو ته اسان سنڌ حڪومت، چيف جسٽس آف سنڌ ۽ ٻين وس وارن کي اپيل ٿا ڪيون ته اسان تحفظ فراھم ڪيو وڃي. ٻي صورت ۾ احتجاج جو دائرو وڌايو ويندو.