ڏوڪري ۾ سوين آبادگارن ۽ هارين پاران پاڻي کوٽ خلاف احتجاجي ريلي ۽ ڌرڻو

پاڻي جي هٿرادو کوٽ سبب فصل ناهيون پوکي سگهيا، زراعت کي تباهي کان بچايو وڃي: اڳواڻ

ڏوڪري(رپورٽر) پاڻي ناهي ڇو ڀلا ڪربلا ڪربلا،پيپلزپارٽي جي ڪارڪنن،سوين آبادگارن ۽ ھارين سونهري ريگيوليٽر تي پاڻي جي کوٽ خلاف علي پارڪ کان ڏوڪري پريس ڪلب تائين احتجاجي ريلي ڪڍي آهي، اڳواڻي ڪندڙ حسين سولنگي، نثار چنه،ياسين ابڙو،؛علي بخش ميتلو، شاهنواز ٻگھيو ۽ ٻين خطاب ڪندي چيو ته گذريل سال برساتن ۽ ٻوڏ کان پوءِ آبادگارن ۽ ھارين جو لکين ايڪڙن تي بيٺل ساريال فصل تباھ ٿي ويو جنهن ڪري آبادگار ۽ ھاري پنهنجا گهر گهاٽ تباھ ٿي ويا. ھنن چيو آبپاشي کاتي جو انجنيئر مڪيش ڪمار ۽ چيف انجنيئر سيد رياض شاھ سونهري ريگيوليٽر تي ھٿرادو کوٽ پيدا ڪري رهيا بار بار رابطو ڪيو پيو وڃي پر ڪوبه تہ کڙتيل نٿو نڪري، ھنن چيو ته ھن وقت تائين آبادگارن ۽ هارين سارين جو ٻيجارو به پوکي ناهن سگهيا جنهن ڪري ڪافي نقصان ٿي رهيو آهي.ھنن مطالبو ڪندي چيو تہ انجنيئر ۽ چيف انجنيئر کي ھٽائي انڪوائري ڪري سونهري ريگيوليٽر تي پاڻي جي کوٽ پوري ڪئي وڃي ٻي صورت ۾ موهن جو دڙو لاڙڪاڻو روڊ بند ڪيو ويندو.