ٺٽي ۾ پريا ڪماري ۽ ٻين مغوي ٻارڙن جي بازيابي لاءِ احتجاجي مظاهرو

مٺڙي سنگت يونٽي ۽ سول سوسائٽي پاران مڪيش گواريا جي اڳواڻي ۾ احتجاج ڪيو ويو

ٺٽو( محمد شفيق ڀٽي) عوامي پريس ڪلب ٺٽو آڏو مٺڙي سنگت يونٽي ۽ سول سوسائٽي پاران پريا ڪماري سميت اغوا ٿيل معصوم ٻارن جي بازيابي لاءِ احتجاج مٺڙي سنگت يونٽي جي سهڪار سان سول سوسائٽي پاران سنڌ مان اغوا ٿيل معصوم نينگري پريا ڪماري سميت ٻين اغوا ٿيل معصوم ٻارن جي جلد بازيابي لاءِ احتجاجي مظاهرو ڪيو ويو. احتجاج جي سربراهي مڪيش گواريا ڪئي، جڏهن ته سماجي، مذهبي ۽ سياسي ڌرين جي نمائندن ۽ شهرين شرڪت ڪئي. احتجاج ڪندڙن پريا ڪماري ۽ ٻين اغوا ٿيل ٻارن جي بازيابي لاءِ مطالبا درج هئا. ان موقعي تي مقررین چيو ته معصوم ٻارن جو اغوا انتهائي افسوسناڪ ۽ انسانيت خلاف عمل آهي، جنهن کي ڪنهن به صورت ۾ برداشت نٿو ڪري سگهجي. هنن حڪومت، قانون لاڳو ڪندڙ ادارن ۽ لاڳاپيل اختيارين کان مطالبو ڪيو ته پريا ڪماري سميت سڀني اغوا ٿيل ٻارن کي بنا دير محفوظ بازياب ڪرائي وارثن سان ملايو وڃي. آخر ۾ واضح ڪيو ته جيسيتائين پريا ڪماري سميت اغوا ٿيل سڀ ٻارڙا آزاد نہ ٿيدا تيستائين سندن پرامن جدوجهد جاري رهندي.