پير جو ڳوٺ ڀرسان ناري مبينا ڪارنهن الزام هيٺ مڙس هٿان قتل

ڳوٺ حافظ سڄڻ مهيسر ۾ جوابدار الهه بخش عرف سراج مهيسر پنهنجي زال صابره مهيسر گوليون هڻي قتل ڪيو

پيرجوڳوٺ (رپورٽر) پيرڳوٺ ڀرسان جوابدار مبينا ڪارنهن الزام هيٺ پنهنجي گهرواري کي قتل ڪري ڇڏيو، لاش اسپتال منتقل، گهر ۾ ڪهرام.پيرڳوٺ ڀرسان ڪچي جي برادي جتوئي ٿاڻي جي حد ڳوٺ حافظ سڄڻ مهيسر ۾ جوابدار سراج مهيسر مبينا ڪارنهن الزام هيٺ پنهنجي گهرواري صابرہ مهيسر کي گوليون هڻي قتل ڪري ڇڏيو آهي واقعي جي اطلاع تي برادي جتوئي پوليس واقعي واري هنڌ پهچي لاش تحويل ۾ وٺي پيرڳوٺ اسپتال آندو آهي جتي ضروري ڪاروائي هلندڙ آهي. جڏهن ته جوابدار فرار ٿي ويو آهي. ان سلسلي ۾ ايس ايڇ او برادي جتوئي جو چوڻ آهي ته جوابدار الله بخش عرف سراج مهيسر ڪارنهن الزام ڏئي پنهنجي گهرواري صابره کي قتل ڪيو آهي. لاش پوسٽ مارٽم لاء پيرڳوٺ اسپتال منتقل ڪيو آهي ضروري ڪارروائي بعد لاش وارثن حوالي ڪيو ويندو. هن چيو ته جوابدار کي گرفتاري ڪيو ويندو