ملير: ابراهيم حيدري جي نئين آبادي ۾ فائرنگ دوران هڪ ڄڻو قتل

ملير (رپورٽ: عبدالرشيد مورجھريو) ابراهيم حيدري جي نئين آبادي واري علائقي ۾ ماسڪو ڪمپني جي ويجهو نامعلوم هٿياربندن جي فائرنگ جي نتيجي ۾ هڪ شخص قتل ٿي ويو اطلاع ملڻ تي پوليس ۽ امدادي ٽيمون واقعي واري هنڌ پهچي ويون ريسكيو ذريعن موجب فائرنگ ۾ زخمي ٿيل شخص کي فوري طور جناح اسپتال منتقل ڪيو ويو، جتي ڊاڪٽرن سندس فوت ٿيڻ جي تصديق ڪئي فوتي جي سڃاڻپ 52 ورهين جي محمد اقبال ولد عبدالغني طور ٿي آهي. لاش ضروري قانوني ڪارروائي ۽ پوسٽ مارٽم لاءِ اسپتال منتقل ڪيو ويو واقعو ابراهيم حيدري ٿاڻي جي حدن ۾ ٿيو پوليس موجب واقعي جي مختلف رخن کان جاچ شروع ڪئي وئي آهي جڏهن ته جوابدارن جي سڃاڻپ ۽ گرفتاري لاءِ علائقي مان شاهدن جا بيان گڏ ڪرڻ سميت وڌيڪ جاچ جاري آهي. پوليس جو چوڻ آهي ته فائرنگ جو ڪارڻ ابتدائي طور تي معلوم نه ٿي سگهيو آهي، تنهن هوندي به ذاتي دشمني، پراڻي تڪرار يا ٻين امڪاني سببن کي نظر ۾ رکي تحقيق ڪئي پئي وڃي. واقعي کانپوءِ علائقي ۾ سيڪيورٽي وڌائي وئي آهي ۽ قانون لاڳو ڪندڙ ادارا جوابدارن تائين پهچڻ لاءِ ڪوششون ڪري رهيا آهن.