ڪراچي جي عدالت ۾ پسند پرڻو ڪندڙن جو تحفظ لاءِ احتجاجي مظاھرو

عدالت ۾ پرڻو ڪندڙ نوجوان محمد اسماعيل سولنگي ۽ دعا تحفظ لاءِ احتجاجي مظاھرو ڪيو

ڪراچي(رپورٽر)ڪراچي سٽي ڪورٽ ۾ پيار جو پرڻو ڪندڙ ڪراچي واسي پريمي جوڙو تحفظ لاءِ ڪراچي پريس ڪلب ٻاھران احتجاجي مظاهرو ڪيو، ان موقعي تي پسند جو پرڻو ڪندڙ نوجوان محمد اسماعيل سولنگي دعا عرف مختيار ميڊيا سان ڳالهائيندي چيو ته اسان ملير ڪراچي جي عدالت ۾ پسند جو پرڻو ڪيو آھي ھاڻي والد عبدالقادر چنو، سوٽ حسن علي، عبدالغفار چنو، ستار چنو، حاجي اصغر چنو، بختت علي چنو جان جو ويري بڻجي ويو آهي ۽ موتمار ڌمڪيون ڏئي رهيا آهن، نوجوان اسماعيل سولنگي الزام هڻندي چيو ته دعا عرف مختيار چنو سان شريعت مطابق ڪورٽ سڳوري ۾ پيار جو پرڻو ڪيو آهي ھاڻي خدارا جيئڻ ڏنو وڃي، ھنن آءِ جي سنڌ ۽ ايس ايس پي خيرپور ميرس کان مطالبو ڪيو آھي ته تحفظ فراھم ڪري زندگي سڪون سان گذارڻ ڏني وڃي.