هڱورجا ڀرسان نينگر سان بدفعلي ۽ وڊيو رڪارڊ ڪرڻ واري واقعي جو ڪيس داخل، 2 جوابدار گرفتار

ھڱورجا(رپورٽر)ھنڱورجا جي ڳوٺ نھال سولنگي ۾ معصوم نينگر سان زبردستي جنسي ڏاڍائي واري واقعي جو ھنڱورجا ٿاڻي تي ٻن جوابدارن خلاف ڪيس داخل.ٻئي جوابدار پوليس وٽ گرفتار.ڊي آء جي سکر نوٽيس ورتو ايس ايس پي خيرپور کان رپورٽ طلب.سڀاڻي اڄ جوابدارن کي عدالت ۾ پيش ڪيو ويندو.ايس ايڇ او ھنڱورجا تفصيل موجب ھنڱورجا ٿاڻي جي حد ڳوٺ نھال خان سولنگي ۾ معصوم نينگر اسد علي سولنگي کي مبينا طور جوابدارن پاران جنسي ڏاڍائي جو نشانو بڻائڻ واري واقعي جو ھنڱورجا پوليس نينگر جي والد گلزار سولنگي فرياد تي ٻن جوابدارن سليمان سولنگي ۽ مشڪور سولنگي جي خلاف ھنڱورجا ٿاڻي تي زوري زنا جو ڪيس داخل ڪري ڇڏيو آھي جڏنھن تہ ڪيس ۾ نامزد ٻئي جوابدار ھنڱورجا پوليس وٽ گرفتار ٿيل آھن جن ڏس ۾ ايس ايڇ او ھنڱورجا اقبال نون ميڊيا کي ٻڌايو تہ معصوم نينگر کي جنسي ڏاڍائي جو نشانو بڻائيندڙ ٻئي جوابدار پوليس وٽ گرفتار آھن جن کي سڀاڻي اڄ عدالت پيش ڪيون ويندو .ھوڏانھن ايس ايس پي خيرپور امير سعود مگسي معاملي جي مڪمل جاچ لاء ڊي ايس پي گمبٽ صبير احمد ميمڻ جي اڳواڻي ۾ ٽيم جوڙي ڇڏي آھي جنھن جاچ شروع ڪري ڇڏي آھي ٻئي پاسي ڊي آء جي سکر ناصر آفتاب پٺاڻ معاملي جو نوٽيس وٺندي ايس ايس پي خيرپور کان نينگر جي جنسي بدفعلي واري واقعي جي رپورٽ طلب ڪري ورتي آھي ٻي پاسي نينگر جي والد گلزار سولنگي جو چوڻ آھي تہ منھنجي معصوم نينگر سان وڏو ظلم ٿيو آھي جوابدارن خلاف سخت قانوني ڪاروائي ڪري انصاف ڪيو وڃي.