شڪارپور ۾ خوني جهيڙي جي ڪيس ۾ نامزد ٺيڪيدار جي حمايت ۾ احتجاج

مقتول عبدالرحمان ڀٽو واري ڌر جي احتجاج کانپوءِ ڪيس ۾ نامزد ٺيڪيدار عبدالخالق ڀٽو جي حمايت ۾ به احتجاج ڪيو ويو

شڪارپور (رپورٽر) شڪارپور جنو شريف ۾ ڀٽا برادري ۾ ھلندڙ خوني جهيڙي واري ڪيس ۾ نامزد ٺيڪيدار جي حمايت ۾ احتجاج انصاف جي گھر,خبر موجب: شڪارپور ڀرسان ڳوٺ جنو شريف ۾ ڀٽا برادري جي ٻن ڌرين وچ ۾ هلندڙ خوني جهيڙي واري معاملي ۾ مقتول عبدالرحمان ڀٽو واري ڌر جي احتجاج کانپوءِ ڪيس ۾ نامزد ٺيڪيدار عبدالخالق ڀٽو واري ڌر به پريس ڪلب شڪارپور آڏو احتجاجي مظاهرو ڪيو,احتجاج ڪندڙن ھدايت اللہ ڀٽو,عبداللہ ڀٽو,سعيد احمد,غلام سرور ڀٽو ۽ ٻين ميڊيا سان ڳالهائيندي چيو ته مقتول عبدالرحمان ڀٽو جي قتل واقعي سان عبدالخالق ڀٽو جو ڪو به تعلق ناهي ۽ کيس ناحق ڪيس ۾ ڦاسايو پيو وڃي,هنن دعويٰ ڪئي ته عبدالخالق ڀٽو هڪ زميندار ۽ اي ڪلاس سرڪاري ٺيڪيدار آهي، جيڪو ڪافي عرصي کان حيدرآباد ۾ رهائش پذير آهي,هنن وڌيڪ چيو ته مٿس 50 هزار يا هڪ لک رپيا ڀتو وٺڻ جا الزام بي بنياد آهن ۽ حقيقتن جي ابتڙ پروپيگنڊا ڪئي پئي وڃي, احتجاج ڪندڙن ضلعي پوليس اختيارين کان مطالبو ڪيو ته معاملي جي غيرجانبدار ۽ شفاف جاچ ڪرائي وڃي ته جيئن بيگناهن سان انصاف ٿي سگهي ۽ اصل حقيقتون سامهون اچي سگهن