ملير ۾ قومي عوامي تحريڪ جو “متحد ۽ مضبوط سنڌ” جي عنوان هيٺ جاڳرتا مارچ

عوامي پريس ڪلب کان رزاق آباد جي مک چوڪ تائين جاڳرتا مارچ ڪيو ويو

ملير (رپورٽ: عبدالرشيد مورجھريو) قومي عوامي تحريڪ پاران “متحد ۽ مضبوط سنڌ” جي عنوان هيٺ عوامي پريس ڪلب ملير کان رزاق آباد جي مک چوڪ تائين احتجاجي جاڳرتا مارچ ڪيو جنهن ۾ ملير سميت مختلف علائقن مان سوين ماڻهن شرڪت ڪئي مارچ دوران شرڪت ڪندڙن هٿن ۾ بينر ۽ پلي ڪارڊ کڻي سخت نعريبازي ڪئي، جن تي “ڪراچي جي ڳوٺن کي ليز ڏيو”، “بنيادي سهولتون ڏيو”، “منشيات جو خاتمو ڪيو” ۽ “سنڌ دشمن منصوبا ختم ڪريو” جهڙا نعرا لکيل هئااحتجاجي ريلي جي اڳواڻي فياض اتيرو، منان شيخ، اشفاق چنڙ ،فرحان لاڙڪ، ناهيد جوڳي، ڪاشف خاصخيلي، جنسار هيسباڻي ۽ ٻين اڳواڻن ڪئي. ريلي مختلف هنڌن تان ٿيندي رزاق آباد چوڪ تي پهچي وڏي جلسي ۾ تبديل ٿي وئي جلسي کي خطاب ڪندي اڳواڻن چيو ته ڪراچي جي گوٺن کي فوري طور تي ليز ڏني وڃي ۽ اتان جي رهواسين کي بنيادي سهولتون فراهم ڪيون وڃن. هنن چيو ته منشيات جو وڌندڙ واپار نوجوان نسل لاءِ وڏو خطرو بڻجي چڪو آهي، جنهن جي خاتمي لاءِ سخت ڪارروائي ضروري آهي اڳواڻن وڌيڪ چيو ته سنڌ جي حقن تي ڪنهن به قسم جو سمجھوتو قبول نه ڪيو ويندو ۽ سنڌ دشمن منصوبن کي رد ڪيو وڃي ٿو. هنن مطالبو ڪيو ته ترقياتي منصوبن ۾ شفافيت آندي وڃي ۽ مقامي ماڻهن کي سندن بنيادي حق فراهم ڪيا وڃن.