موهن جو دڙو ڀرسان ڳوٺ محمد خان ڪلهوڙو واسين جو احتجاجي مظاهرو

روشن علي ڪلهوڙو،محمد قاسم ٻگهيو،شفيع محمد عباسي،علي بخش ڪلهوڙو ۽ ٻين احتجاج ڪيو

ڏوڪري(رپورٽر) موهن جو دڙو ڀرسان ڳوٺ محمد خان ڪلهوڙو واسي ڳوٺاڻن روشن علي ڪلهوڙو،محمد قاسم ٻگهيو،شفيع محمد عباسي،علي بخش ڪلهوڙو،ڪامل،طارق خان،حفيظ ڪلهوڙو ۽ ٻين ڳوٺاڻن احتجاج ڪندي هنن ميڊيا سان ڳالهائيندي چيو ته منور ڪلهوڙو سان اسان جو پراڻو سڱاوتي معاملو هلندڙ آھي.جنهن ڪوڙو ڊامو ڪري ڪڻڪ جي فصل کي پاڻ باه ڏئي ڪوڙو ڪيس ڪرڻ چاهي ٿو.هنن چيو ته اسان ڪڻڪ جي ديري کي باه ناهي ڏني.هنن چيو ته اسان منور ڪلهوڙو کان رشتو گهريو هيو.رشتو نه ڏيڻ جو جواز ڄاڻائي اسان مٿان فصل ساڙڻ جو ڪوڙو الزام هڻي رهيو آھي.هنن چيو ته منور ڪلهوڙو سان مختلف تڪ جي وڏيرن وٽ فيصلو به ڪرايو ويو آھي،جيڪو فيصلو اسان جي حق ۾ ڏنو ويو هو.هنن ايس ايس پي لاڙڪاڻو، ڊي ايس پي ڏوڪري ۽ ايس ايڇ او ايئرپورٽ علي مراد کوسو کان مطالبو ڪيو آھي ته شفاف نموني جاچ ڪرائي وڃي ۽ اسان سان انصاف ڪيو وڃي.