برطانیہ کا ایران کے خلاف جنگ کا حصہ نہ بننے کا اعلان

لندن (ویب ڈیسک) برطانوی وزیرِاعظم Keir Starmer نے کہا ہے کہ برطانیہ ایران کے خلاف جنگ کا حصہ نہیں بنے گا، تاہم خطے میں سمندری آمدورفت کی بحالی اور Strait of Hormuz کو کھلوانے کے لیے اتحادی ممالک کے ساتھ مل کر کام کر رہا ہے۔ پریس کانفرنس کرتے ہوئے کیئر اسٹارمر نے کہا کہ آبنائے ہرمز کو کھلوانا آسان کام نہیں، لیکن اسے جلد بحال کرنا ضروری ہے، اسی مقصد کے لیے اتحادی ممالک کے ساتھ مشترکہ اقدامات کیے جا رہے ہیں۔ انہوں نے کہا کہ آبنائے ہرمز کے معاملے پر ایک قابلِ عمل منصوبے کی ضرورت ہے، تاہم اس حوالے سے ابھی کوئی حتمی فیصلہ نہیں ہوا، اور آبنائے ہرمز کا معاملہ North Atlantic Treaty Organization کا مشن نہیں بنے گا۔ ان کا کہنا تھا کہ مشرقِ وسطیٰ میں جاری جنگ فوری طور پر ختم ہونی چاہیے، کیونکہ جنگ کی وجہ سے تیل کی قیمتوں میں اضافہ ہوا ہے اور عالمی معیشت متاثر ہو رہی ہے۔ برطانیہ تنازع کے حل کے لیے اپنی کوششیں جاری رکھے گا اور وقت بتائے گا کہ جنگ کے حوالے سے برطانیہ کا مؤقف درست تھا۔