سجاول ۾ پوليو جو ڪيس ظاهر، صحت کاتو الرٽ ٿي ويو

295 views | 05th Mar 2026 • سنڌي خبرون

سجاول ۾ پوليو جو ڪيس ظاهر، صحت کاتو الرٽ ٿي ويو

سجاول (گلشير ميربحر) سجاول ۾ پوليو جو هڪ ڪيس ظاهر ٿيڻ بعد صحت کاتو الرٽ ٿي ويو آهي۔ صحت کاتي موجب سجاول ضلعي جي يونين ڪائونسل ٻيلو جي ڳوٺ ابراهيم ملاح ۾ پوليو جو مثبت ڪيس رپورٽ ٿيو آهي۔ صحت کاتي مطابق ٻيلو واسي چار ساله وقار پٽ عبدالستار ۾ پوليو وائرس جي تشخيص ٿي آهي، جنهن کان پوءِ علائقي ۾ ڳڻتي جي لهر ڇانئجي وئي آهي۔ پوليو ڪيس ظاهر ٿيڻ کان پوءِ صحت کاتو فوري طور متحرڪ ٿي ويو آهي ۽ طبي ٽيمون متاثر علائقي ڏانهن روانيون ڪيون ويون آهن۔ صحت کاتي جون ٽيمون ڳوٺ ۾ پهچي ويون آهن جتي وڌيڪ ٻارن جي اسڪريننگ ۽ جاچ جو عمل به شروع ڪيو ويو آهي ته جيئن وائرس جي وڌيڪ ڦهلاءَ کي روڪي سگهجي