هڱورجا جي ايليمينٽري اسڪول بنگل خان چانگ ۾ تقريب, سالياني امتحانن ۾ پوزيشن ماڻيندڙ شاگردن ۾ انعام ورهايا

صحافي اتحاد جو چيئرمين غلام حسين چانگ، عبدالجبار چانگ به شريڪ

ھڱورجا(رپورٽر) گورنمينٽ ايليمنٽري اسڪول بنگل خان چانگ ۾ سالياني امتحانن ۾ نمايان ڪارڪردگي ڏيکاريندڙ شاگردن ۾ انعامات تقسيم ڪرڻ ۽ سنڌ حڪومت پاران مفت تدريسي ڪتاب ورهائڻ جي تقريب شاندار نموني منعقد ڪئي وئي، جنھن ۾ صحافي اتحاد خيرپور جي چيئرمين غلام حسين چانگ، اسڪول جي هيڊ ماستر غلام رسول چانگ، استاد رضا محمد ڀٽو، استاد عبدالشڪور منڱڻيجو،استاد شفيع محمد چانگ، صحافي اڳواڻ شمن راڄپر، عبدالجبار چانگ سميت استادن والدين شاگردن جي وڏي انگ شرڪت ڪئي تقريب ۾ آيل مهمانن پهرين، ٻي ۽ ٽئين پوزيشن حاصل ڪندڙ شاگردن ۽ شاگردياڻين ۾ انعامات ۽ سنڌ حڪومت پاران فراهم ڪيل مفت تدريسي ڪتاب ورهايا.تقريب کي خطاب ڪندي مقررين چيو ته سنڌ حڪومت تعليم جي ترقي ۽ واڌاري لاءِ سنجيده قدم کڻي رهي آهي، ۽ شاگردن کي مفت تدريسي ڪتاب وقت سر فراهم ڪرڻ هڪ قابلِ تحسين عمل آهي۔ هنن چيو ته اهڙين سرگرمين سان شاگردن ۾ محنت ۽ مقابلي جو جذبو وڌي ٿو، جيڪو سندن روشن مستقبل لاءِ انتهائي ضروري آهي.