نوشهروفيروز ۾ ميونسپل ملازم جو ڀائرن خلاف احتجاج، لکين رپيا هڙپ ڪرڻ جو الزام

نوشهروفيروز (رپورٽر) نوشهروفيروز ۾ ميونسپل ڪميٽي جي ملازم ساجد تڳر پنهنجي سڳن ڀائرن خلاف پريس ڪلب آڏو احتجاج ڪندي صحافين اڳيان دانهيندي چيو آهي ته منهنجا ڀائر منهنجا پئسا نه ٿا ڏين گهرڻ تي موت مار ڌمڪيون ڏئي رهيا آهن واجد علي تڳر، محمد بخش تڳر، عبدالغفار تڳر ،عبدالرزاق تڳر وارن عدلو واري هوٽل جيڪا منهنجي اڌ آهي ان مان به حصو نه ٿا ڏين جيڪو ظلم آهي هن چيو ته مون ڀائرن کان پنهنجو جائز حق گهريو آهي جيڪو ڏيڻ بجاءِ دٻاءُ وجهي رهيا آهن واجد تڳر ڏي 46 لک روپيا آهن جڏهن ته چاچي سميت ٻين ڏي پنج پنج لک روپيا آهن جنهن جو ڪجهه وقت چڱن مڙسن فيصلو به ڪيو هو پر ان تي عمل ناهي ڪيو ويو هن ايس ايس پي نوشھروفيروز سميت ٻين وس وارن کي اپيل ڪئي آهي ته سندس مسئلو حل ڪرايو وڃي ته جيئن ساڻس انصاف ٿي سگهي