شڪارپور ۾ پيٽروليم شين ۾ واڌ خلاف عوام روڊن تي نڪري آيو، حڪومت خلاف نعريبازي

رھبر ڪميٽي طرفان احتجاجي مظاھرو ڪيو ويو، سياسي سماجي ڌرين ۽ شھرين جي به ڀرپور شرڪت

شڪارپور(احسان ابڙو) شڪارپور ۾ پيٽروليم شين ۾ واڌ خلاف عوام روڊن تي نڪري آ تيل قيمتن ۾ گھٽتائي جا زوردار نعرا ھنيا ويا رھبر ڪميٽي شڪارپور طرفان احتجاج مظاھرو ڪيو ويو سياسي سماجي ڌرين عام شھرين جي ڀرپور شرڪت پيٽروليم شين ۾ واڌ خلاف جيئي سنڌ محاذ جي مرڪزي اڳواڻ اسدالله سومرو عمران منگي مير ھڪڙو جي اڳواڻي ۾ ميراڻي پارڪ کان لکيدر تائين مھنگائي ۽ پيٽرول ، ڊيزل کي مھانگو ڪرڻ خلاف ھڪ وڏي احتجاجي ريلي کي زاھد ڀنڀرو علي اصغر پھوڙ حمير چانڊيو، پريل مري، ولي الله پھوڙ ۽ ٻين خطاب ڪيو اڳواڻن جو چوڻ ھيو تہ حڪمرانن عوام مٿان مهانگائي جو پيٽرول بم ڪيرايو آھي عوام اڳ ئي مهانگائي واري گھانڻي ۾ پيسجي پيو اچانڪ پيٽرول ۽ ڊيزل جو ريٽ وڌائي ماڻھن کي وڌيڪ مهانگائي جي طوفان طرف ڌڪيو آھي ۽ معاشي قتل عام ڪيو پيو وڃي ھنن جو چوڻ ھيو تہ پيٽروليم شين ۽ عام واهپي جي شين ۾ ھڪدم گھٽائي ڪري عوام کي رليف ڏنو وڃي جڏھن ته مظاھرين پاران شھر جي مک چوراھي لکيدر تي ڌرڻو ھيو ويو