شڪارپور جي سينئر صحافي رحمت الله سومرو جي پوٽي اي ايس آءِ جو ڪورس مڪمل ڪري ورتو

شڪارپور (احسان ابڙو)شڪارپور جي سينيئر صحافي پريس ڪلب جي اڳوڻي صدر رحمت الله سومرو جو پوٽو صحافي عمران سومرو جو ڀائيٽيو معراج الدين سومرو شھدادپور پوليس ٽرينگ ڪاليج مان 9مھينن جو پروبيشنري اي ايس آء جو ڪورس مڪمل ڪري ڪاميابي ماڻي ورتي .تفصيل موجب: شڪارپور پي/اي ايس آءِ معراج الدين سومرو پوليس ٽريننگ ڪاليج شھدادپور ۾ نو مهينن تي مشتمل پروبيشنري اي ايس آءِ ڪورس ڪاميابي سان مڪمل ڪري ورتو آهي جنھن کان بعد شڪارپور پھچڻ سندس زبردست استقبال ڪيو ويو ۽ ڪيڪ ڪٽنگ جو پروگرام پڻ منعقد ڪيو ويو. ھي 185 شاندار پاسنگ آئوٽ تقريب 25 فيبروري 2026ع تي منعقد ٿي، جنهن ۾ مجموعي طور 78 آفيسرن ڪورس مڪمل ڪيو، جن ۾ 73 مرد ۽ 5 عورت آفيسر شامل هيون جن پوليس ٽريننگ ڪورس ڪاميابي سان مڪمل ڪيو ۽ آفيسرن جديد طرزِ عمل تحت پيشاورانه پوليس تربيت حاصل ڪئي پروبيشنر اسسٽنٽ سب انسپيڪٽرز بيچ نمبر 01-2025 جي پاسنگ آئوٽ پريڊ جي موقعي تي ڊي آءِ جي پوليس شھيد بينظير آباد رينج فيصل بشير جن بطور مهمان خاص شرڪت ڪئي، جڏهن ته ايس ايس پي/پرنسپل پي ٽي سي شهيدادپور زاھده پروين سندس جو والهاڻو استقبال ڪيو. تقريب دوران زيرِ تربيت آفيسرن پنهنجي استادن خالد رندهاوا، شير جهان ۽ نديم بيگ جن کي ڀرپور خراجِ تحسين پيش ڪيو ۽ شڪريو ادا ڪيو ھي تقريب نوجوان آفيسرن جي پيشاورانه زندگي جو اهم سنگِ ميل ثابت ٿي، جنهن ذريعي کين عوامي خدمت لاءِ گهربل مهارت ۽ عملي تربيت فراهم ڪئي وئي شڪارپور مان سينيئر صحافي رحمت الله سومرو ، صحافي عمران علي سومرو ۽ مير حسن سومرو (ڀاءُ) پڻ شهيدادپور ۾ ٿيل پروقار تقريب ۾ خصوصي شرڪت ڪئي ۽ معراج الدين سومرو کي سندس پوليس ٽريننگ ڪاميابي سان مڪمل ڪرڻ تي مبارڪباد پيش ڪئي. ان موقعي تي کيس سنڌي اجرڪ، گلن جا هار ۽ پڻ تحفا پيش ڪيا ويا بعد ۾ شڪارپور واپسي تي پي/اي ايس آءِ معراج الدين سومرو جو اهلِ خانہ طرفان پرجوش استقبال ڪيو ويو ۽ ان خوشيءَ جي موقعي تي ڪيڪ ڪاٽيو ويو، جڏهن ته دوستن، عزيزن ۽ شهرين جي وڏي انگ سندس رهائشگاهه تي پهچي مبارڪباد پيش ڪئي ۽ نيڪ خواهشن جو اظهار ڪيو. شرڪت ڪندڙن معراج الدين سومرو جي روشن مستقبل لاءِ دعائون ڪندي اميد ظاهر ڪئي ته هو پنهنجي فرائض ايمانداري، محنت ۽ بنا ڪنهن فرق جي عوام جي خدمت ۾ سرانجام ڏيندو