ملير ۾ ريڙهي ڳوٺ واسڻ بيواهه عورت جو بااثرن خلاف احتجاجي مظاهرو

ملير (رپورٽ: عبدالرشيد مورجھريو) ريڙهي جي قاسماڻي پاڙي جي رهواسي بيواه مائي حوا پنهنجي گهر تي حملي، ڌمڪين ۽ دڪان زوري بند ڪرائڻ خلاف گھرڀاتين وڏي ڀيڻ شريفان ۽ معصوم ٻارن سميت عوامي پريس ڪلب ملير پهچي پريس ڪانفرنس ڪندي الزام هنيو آهي ته علائقي جا بااثر ۽ بدنام منشيات فروش ٽولو جن ۾ مريم لمبي، محمد عرف رڏ ۽ علي اٺاڻي ۽ حسن عرف عينو شامل آهن، جيڪي سندس جان جا دشمن بڻجي ويا آهن مائي حوا ٻڌايو ته ڄاڻايل ٽولي 3 فيبروري تي قاسماڻي پاڙي ۾ سندس گهر تي حملو ڪيو جتي جوابدارن سندس نوجوان نياڻي تي وچ روڊ تي تشدد ڪيو ۽ قتل جون ڌمڪيون ڏئي فرار ٿي ويا. هن چيو ته واقعي بابت ايس ايڇ او سڪڻ ۽ رينجرس کي درخواست ڏني وئي، پر اڃا تائين ڪو نتيجو نڪتو ناهي.هن وڌيڪ چيو ته هوءَ بيواه آهي ۽ پوليو ورڪر طور ڪم ڪرڻ سان گڏ ننڍڙو دڪان هلائي ٻچن جو گذر سفر ڪري ٿي، پر قبضي گير ٽولو زبردستي دڪان بند ڪرائي قبضو ڪرڻ چاهي ٿو.مائي حوا ايس ايس پي ملير، ڊي سي ملير، ايس ايڇ او سڪڻ ۽ رينجرس عملدارن ۽ چونڊيل نمائندن کان مطالبو ڪيو ته جوابدارن خلاف فوري ڪارروائي ڪري کيس ۽ سندس ٻچن کي تحفظ فراهم ڪيو وڃي.