مدئجي ويجهو ڳوٺ ڀونڀٽ ۾ مچ ڪچهري ۽ صوفياڻي محفل منعقد

صوفياڻي محفل شڪارپور پريس ڪلب جي چونديل عهديدارن ۽ ميمبرن جي مان ۾ منعقد ڪئي وئي

شڪارپور (احسان ابڙو)شڪارپور پريس ڪلب جي نئين چونڊجي آيل باڊي جي عھديدارن ۽ ميمبرن جي مان ۾ پريس ڪلب جي بنا مقابلي چونڊجي آيل نائب صدر جاويد راهوجو ۽ رياض حسين راھوجو پاران مدئجي لڳ ڳوٺ ڀونڀٽ ۾ مچ ڪچھري ۽ صوفياڻي محفل منعقد ڪئي جتي پريس ڪلب جي صدر عبدالسلام انڙ، جنرل سيڪريٽري عبدالوحيد بروھي ، سينيئر صحافي سلطان رند ، ذاھد محمود نون، آغا اسرار پٺاڻ ، وسيم احمد سنجراڻي ، ڪامريڊ احسان جيھو ، راشد معرفاڻي، ديدار بلوچ، عتيق ڌڪڙ، ارشاد آرائين ، ابراھيم بروھي، ذوالفقار مگسي، ڀاڳچند ، راھيل ديشي، انفارميشن لاڙڪاڻو ڊويزن جي ڊائريڪٽر ارشاد چانڊيو سميت ڊکڻ ۽ مدئجي کان ايوب بروھي، ياسين ڌاريجو، سڪندر راھوجو، پاران شرڪت ڪئي وئي جتي ميزبانن آيل مھمانن کي سنڌ جي ثقافت اجرڪن جا تحفا پيش ڪيا ويا ۽ مھمانن کي ڀليڪار چيو ،پريس شڪارپور جي نائب صدر ميزبان جاويد راھوجو ڳالھائيندي چيو ته پريس ڪلب شڪارپور مظلوم عوام جي آواز جو مضبوط مورچي آھي جتان مظلومن جو آواز قلم ذريعي اعلي ايوانن تائين پهچايون ٿا جڏھن ته پريس ڪلب جي صدر عبدالسلام انڙ ڳالھائيندي چيو تہ مان پنھنجي نئين باڊي جي عھديدارن مان پر اميد آھيان تہ ھو ٻانھن ٻيلي بڻجي صحافين جي فلاح بھبود اداري جي بھتري لاء ڀرپور ساٿ ڏيندا ۽ عوام جا ڀر جھليو بڻجي انھن جي اھنجن کي اعلي ايوانن تائين پھچائڻ ۾ پنھنجو ڀرپور فرض نڀائي ھڪ سٺي ۽ مثالي ٽيم ورڪ جو ثبوت ڏيندا ھوڏانھن صوفي راڳين صوفي ڪلام ڳائي محفل کي جهومائي وڌو ،انھي موقعي تي ماما نظير احمد راھوجو، وڏيرو ممتاز ڀٽو، ڪامران معرفاڻي، نصير چنو ،فياض راھوجو، ياسر ميراڻي ۽ ٻين پاران شرڪت ڪئي وئي