ميمڻ ڳوٺ ويجهو فلڪ ناز وٽ ٽرڪ جي ٽڪر سان موٽر سائيڪل سوار نوجوان فوت، شهرين جو احتجاج

5 views | 11th Dec 2025 • سنڌي خبرون

ٽرڪ جي ٽڪر ۾ 24ورهين جي نوجوان زخمي ٿيڻ بعد اسپتال نيئندي رستي ۾ دم ڏئي ڇڏيو

ميمڻ ڳوٺ ويجهو فلڪ ناز وٽ ٽرڪ جي ٽڪر سان موٽر سائيڪل سوار نوجوان فوت، شهرين جو احتجاج

ملير (رپورٽ: عبدالرشيد مورجھريو) ميمڻ ڳوٺ لڳ فلڪ ناز وٽ تيز رفتار ٽرڪ موٽر سائيڪل کي ٽڪر هنيو جنهن جي نتيجي ۾ موٽر سائيڪل سوار 24 ورهين جو اڻ ڄاتل نوجوان شديد زخمي ٿي پيو موقعي تي موجود ماڻهن موجب حادثي کان پوءِ زخمي کي فوري طور اسپتال منتقل ڪيو ويو پر هو رستي ۾ ئي زخمن جو سٽ نه سهندي فوت ٿي ويو حادثي کان پوءِ ٽرڪ ڊرائيور موقعي تان فرار ٿي ويو، جنهن خلاف علائقي واسين سخت احتجاج ڪيو. احتجاج ڪندڙن جو چوڻ هو ته علائقي ۾ تيز رفتار گاڏين جي ڪري روزانو حادثا پيش اچي رهيا آهن، پر پوليس جي نااهلي ۽ غفلت سبب صورتحال تي ڪنٽرول نٿو اچي سگهي علائقي واسين مطالبو ڪيو آهي ته فرار ٿيل ٽرڪ ڊرائيور کي فوري طور گرفتار ڪيو وڃي ۽ پوليس کي وڌندڙ ٽريفڪ حادثن بابت ذميدار قرار ڏئي مناسب قدم کنيا وڃن ته جيئن مستقبل ۾ اهڙن حادثن کي روڪي سگهجي.