ہیلو… کوئی ہے؟ ٹرمپ نے دورانِ گفتگو واش روم کا دروازہ بجا کر سب کو چونکا دیا

ایئرفورس ون میں صحافیوں سے بات چیت کے دوران واش روم کا دروازہ اچانک کھلنے پر ٹرمپ نے مزاحیہ انداز میں اندر موجود شخص کو باہر آنے کی دعوت دے دی۔

ایئرفورس ون میں دورانِ پرواز میڈیا سے گفتگو کے دوران ایک غیر متوقع اور دلچسپ لمحہ اُس وقت پیش آیا جب امریکی صدر ڈونلڈ ٹرمپ کے پیچھے موجود واش روم کا دروازہ اچانک کھل گیا۔ دروازہ کھلنے پر ٹرمپ نے فوراً پیچھے مڑ کر ہلکے پھلکے انداز میں کہا، “ہیلو… لگتا ہے اندر کوئی ہے!” اس کے بعد انہوں نے دروازہ کھٹکھٹاتے ہوئے مزاح میں پکارا، “آ جاؤ، باہر آ جاؤ!” اور پھر مسکرا دیے۔ اس اچانک صورتحال پر ٹرمپ کے عقب میں کھڑی وائٹ ہاؤس کی ترجمان کیرولائن لیویٹ لمحہ بھر کے لیے حیران رہ گئیں۔ انہوں نے دروازے میں جھانک کر دیکھا، مسکرائیں، اور پھر دروازہ بند کر کے دوبارہ اپنی جگہ پر کھڑی ہو گئیں۔ اسی دوران پرواز میں ہلکا جھٹکا آیا تو صدر ٹرمپ نے گفتگو مختصر کرتے ہوئے کہا کہ انہیں یہاں سے آگے بڑھنا چاہیے اور بات چیت بعد میں مکمل کریں گے۔ تاہم یہ اب تک معلوم نہیں ہو سکا کہ واش روم میں کوئی موجود تھا یا نہیں—اور اگر تھا، تو اس کے ساتھ پُرسرار دروازہ کھلنے کے بعد کیا ہوا۔