ملير پوليس پاران ڏوهارين خلاف ڪارروائيون جاري, ايس ايس پي ملير ڊاڪٽر عبدالخالق پيرزادو ڪارڪردگي رپورٽ جاري ڪري ڇڏي

ملير (رپورٽ: عبدالرشيد مورجھريو)ملير ضلعي پوليس پاران ڏوهارين ۽ ڏوھن ۾ ملوث ٽولن خلاف وسيع پيماني تي جاري ڪريڪ ڊائون دوران گذريل ٻن مهينن ۾ 27 پوليس مقابلن ۾ 43 خطرناڪ ڏوهارين کي گرفتار ڪيو ويو آهي۔ ان حوالي سان ايس ايس پي ملير ڊاڪٽر عبدالخالق پيرزادو ڪارڪردگي رپورٽ جاري ڪري ڇڏي آهي ملير پوليس جي ترجمان موجب سڄي ضلعي ۾ اسٽرٽ ڪرائيمز، ڦرن، گھرن ۾ چورين ۽ ٻين ڏوهن ۾ ملوث ٽولن خلاف ڪارروايون جاري آهن۔ مختلف ٿاڻن جي حدن ۾ ٿيل پوليس مقابلا دوران ڪيترائي ڏوهاري زخمي حالت ۾ گرفتار ڪيا ويا، جن جي قبضي مان هٿيار، گوليون، نقد رقم، ڦريل موبائل فونز ۽ ٻيو سامان هٿ آيو ايس ايس پي ملير جي رپورٽ مطابق ٿاڻو اسٽيل ٽائون پوليس هڪ مقابلي ۾ 2 ڏوهاري، شاهه لطيف ٽائون پوليس 5 مقابلا ڪري 7 ڏوهاري، سڪڻ پوليس 4 مقابلا ڪري 4 ڏوهاري، ابراهيم حيدري پوليس 4 مقابلا ڪري 6 ڏوهاري، قائدآباد پوليس 3 مقابلا ڪري 3 ڏوهاري، شرافی ڳوٺ پوليس 2 مقابلا ڪري 4 ڏوهاري، ملير سٽي پوليس 2 مقابلا ڪري 8 ڏوهاري، ميمن ڳوٺ پوليس 3 مقابلا ڪري 6 ڏوهاري، جڏهن⁠تہ گڊاپ سٽي پوليس 3 مقابلا ڪري 3 ڏوهارين کي گرفتار ڪيو مجموعي طور ضلع ملير پوليس 27 مقابلا ڪري 43 ڏوهارين کي گرفتار ڪيو ايس ايس پي ڊاڪٽر عبدالخالق پيرزادو موجب ڪيترائي گرفتار ڏوهاري اڳ به مختلف ڪيسن ۾ جيل وڃي چڪا آهن ۽ آزاديءَ بعد ٻيهر وارداتن ۾ سرگرم ٿي ويا هئا۔ گرفتار ٿيل ڏوهاري مختلف ڦورن ۽ ڏوهن وارن ٽولن سان لاڳاپيل آهن، جيڪي اندرون سنڌ سميت ڪراچي جي مختلف علائقن ۾ اسٽرٽ ڪرائيمز، گهر ڦرن ۽ ٻين ڏوهن ۾ ملوث رهيا آهن پوليس ترجمان موجب ملير پوليس شهرين جي حفاظت ۽ ڏوهن جي خاتمي لاءِ ڀرپور قدم کڻي رهي آهي ۽ ايندڙ ڏينهن ۾ به ڏوهارين خلاف ڪارروايون وڌيڪ تيز ڪيون وينديون۔