ملیر میمن گوٹھ میں تیز رفتار ٹرک نے موٹرسائیکلوں کو ٹکر ماری، ایک شخص جاں بحق اور ایک زخمی جبکہ ڈرائیور ٹرک چھوڑ کر فرار ہوگیا۔
کراچی کے علاقے ملیر میمن گوٹھ میں تیز رفتار ٹرک کی ٹکر کے نتیجے میں ایک موٹرسائیکل سوار موقع پر جاں بحق جبکہ دوسرا شدید زخمی ہوگیا۔ پولیس کے مطابق زخمی شخص کو فوری طور پر قریبی اسپتال منتقل کیا گیا جہاں اسے طبی امداد فراہم کی جارہی ہے۔
حکام نے بتایا کہ حادثے کے بعد ٹرک ڈرائیور گاڑی چھوڑ کر موقع سے فرار ہوگیا۔ میمن گوٹھ پولیس نے ٹرک کو قبضے میں لے کر تھانے منتقل کردیا ہے اور ڈرائیور کی گرفتاری کے لیے کارروائی شروع کر دی گئی ہے۔
پولیس کے مطابق ٹرک نے دو موٹرسائیکلوں کو ٹکر ماری، جس کے باعث یہ افسوسناک حادثہ پیش آیا۔ تحقیقات جاری ہیں۔
0 تبصرے