گجرات (ویب ڈیسک): گجرات پولیس کا انوکھا اقدام سامنے آیا ہے، جس نے ایک "جن" پر جنسی زیادتی کا مقدمہ درج کرلیا۔
ایف آئی آر کے متن کے مطابق گجرات کے علاقے ککرالی تھانے کی حدود میں واقع گاؤں بھدر میں ایک خاتون کو سابق داماد اور "جن" کی جانب سے جنسی زیادتی کا نشانہ بنایا گیا۔
خاتون سمیرہ نے ایف آئی آر میں بیان دیا کہ اُس کے سابق داماد پر ایک "جن" کا اثر ہے، جو اُسے قابو میں کرکے جنسی تعلق قائم کرتا ہے۔
ایف آئی آر کے مطابق 17 سالہ نوجوان کبیر نے اپنی سابق ساس کے ساتھ زیادتی کی، جسے عادل نامی "جن" نے قابو کیا۔
ڈی پی او کے حکم پر خاتون کی درخواست پر سابق داماد کبیر اور عادل نامی "جن" کے خلاف مقدمہ درج کرلیا گیا۔
ایس ایچ او ککرالی کے مطابق خاتون کا میڈیکل کرایا گیا ہے، جس کی رپورٹ ایک دو دن میں موصول ہوگی۔ ایف آئی آر میں مزید کہا گیا ہے کہ عادل نامی "جن" گزشتہ 33 برس سے سمیرہ پر عاشق ہے۔
0 تبصرے