نوشهروفيروز ۾ نوجوان ناري جو امڙ سميت مڙس ۽ ڏيرن خلاف احتجاج

عدالت ۾ خلع لاءِ درخواست ڏيڻ تي مڙس ۽ ڏير موتمار ڌمڪيون ڏئي رهيا آهن: الزام

نوشهروفيروز (ڊ ر) نوشهروفيروز ۾ شهباز ڪالوني واسي شادي شده ناري جو ماءُ سان گڏ مڙس ۽ ڏيرن پاران موت مار ڌمڪيون ڏيڻ خلاف پريس ڪلب آڏو احتجاج ناري سلما سولنگي پنهنجي ماءُ شهناز سولنگي سان گڏ ميڊيا اڳيان دانهيندي چيو آهي ته چار سال اڳ مائٽن منهنجي شادي صدام سولنگي سان ڪرائي جيڪو گهر جو خرچ گهرڻ تي تشدد جو نشانو بڻائيندو رهيو آهي بيروزگار هجڻ سان گڏ هو موالي هيو شاديء کان پوءِ لڳاتار مارڪٽ ڪندو هو جنهن کان طلاق لاءِ عدالت سڳوري کي درخواست ڏني آهي هن چيو ته عدالت ۾ درخواست داخل ٿيڻ کان پوءِ منهنجو مڙس صدام سولنگي، سهرو ذاڪر سولنگي ،ڏير صابر، غلام رضا سولنگي ۽ سندن ٻيا مائٽ ظفر، نثار، حيدر،آصف ۽ ظهور سولنگي وارا جان کان مارڻ جون ڌمڪيون ڏئي رهيا آهن جيڪي چون ٿا طلاق ورتئي ته تنهنجو به انجام ڪنڊيارو ۾ ٿيل واقعي جهڙو ڪنداسين هن ايس ايس پي نوشھروفيروز سميت ٻين وس وارن کي اپيل ڪئي ته معاملي جي جاچ ڪري موت مار ڌمڪيون ڏيندڙ مڙس ۽ ٻين خلاف قدم کنيو وڃي