ڏوڪري ۾ نوجوان سماجي اتحاد پاران امن مارچ ريلي ڪڍي وئي، مختلف تنظيمن جا اڳواڻ شريڪ

وڌندڙ بدامني،قبيلائي تڪرارن، منشيات، جوا ۽ ٻين سماجي برائين خلاف باءِ پاس کان پريس ڪلب تائين ريلي ڪڍي وئي

ڏوڪري(اطهر ميمڻ)ڏوڪري ۾ نوجوان سماجي اتحاد پاران امن مارچ ريلي ڪڍي وئي آهي ڏوڪري ۾ وڌندڙ بدامني،قبائلي تڪرار، منشيات، جوا ۽ ٻين سماجي برائين خلاف نواجون سماجي اتحاد جي سڏ تي ايس يو پي، جسقم، سنڌي ادبي سنگت، جي يو آءِ، جسقپ، نوجوان سماجي اتحاد منڌرا، نوجوان سماجي اتحاد ڳجهڙ سميت مختلف سياسي تنظيمن جي اڳواڻن ارشاد ٻگهيو، عمير جوڻيجو، شيراز کوکر، رڪ سنڌي، صابر جروار، دودو ديشي، ايڊووڪيٽ امداد جويو، ظهير بسمل ۽ ٻين جي اڳواڻي ۾ باءِ پاس کان ڏوڪري پريس ڪلب تائين ريلي ڪڍي وئي.انهي موقعي تي اڳواڻن خطاب ڪندي چيو ته ڏوڪري ۾ منشيات، جوا ۽ وڌندڙ بدامني اروج تي پھچي چڪي آهي، چوريون،ڦرون ۽ ڌاڙا روز جو معمول بڻجي ويا آهن،پر ڏوڪري پوليس امن امان ڪرڻ بجاءِ قبائلي تڪرار پيدا ڪري شهر جو امن تباھ ڪري رهي آهي،ھنن چيو ته شهر ۾ بدامني سبب شهرين ۾ خوف ڇائنجي ويو آهي،شهري روڊن رستن تي تہ محفوظ ناهن پر ھاڻي گهرن ۾ محفوظ ناهن رهيا.ڏوڪري پوليس شهر ۾ امن امان ڪرائڻ بدران شهرين جي پاڻ ۾ دشمني پيدا ڪري قبائلي تڪرار شروع ڪرائي ڇڏيو آهي،منشيات فروش ۽ ڏوهاري وڏيرن جا باڊي گارڊ لڳل جن کي پوليس گرفتار نٿي ڪري.ھنن مطالبو ڪندي چيو ته ڏوڪري شهر ۾ امن امان جي صورتحال بهتر ڪري قبائلي تڪرار جو خاتمو آندو وڃي.