نوشهروفيروز ۾ نوجوان جو مبينا حملي خلاف احتجاجي مظاهرو

عدالت ويندي ٽن هٿياربندن حملو ڪري رتورت ڪري ڇڏيو: سڪندر اڄڻ

نوشهروفيروز (ڊ ر) نوشهروفيروز ۾ پراڻي پوليس لائين جي رهواسي نوجوان سڪندر اڄڻ پريس ڪلب آڏو احتجاج ڪندي صحافين اڳيان دانهيندي چيو آهي ته اڄ صبح جو مان ڪورٽ وڃي رهيو هيس ته ٽن هٿياربندن پسٽل جا بٽ ۽ چاڪو سان سان حملو ڪيو جن مان ٻن جوابدارن کي سڃاڻي ورتو آهي جيڪي ڪيس تان هٿ نه کڻڻ جي صورت ۾ جان کان مارڻ جون ڌمڪيون ڏيندا فرار ٿي ويا هن چيو ته جوابدار ڪالو پنهور ۽ اظهار پنهور کي سڃاڻي ورتو آهي ۽ هڪ نامعلوم جوابدار جيڪي منهنجي ماءُ زهرا اڄڻ جي چوڻ تي منهنجي مٿان حملي آور ٿيا هن چيو ته اسان جي ماءُ بابا الهبخش اڄڻ جي ورتل گهر جي جاء ان کان پنهنجي نالي لکرائي ورتي آهي ۽ بعد ۾ طلاق وٺي ملڪيت ڦٻائڻ چاهي ٿي جنهن ڪالو پنهور سان شادي ڪري ڇڏي آهي جنھن پهريان پنج سال اڳ منهنجي ڀاءُ محمد صالح کي مارائي ڇڏيو ۽ تازو ننڍي ڀاءُ اسد امين کي مارايو ۽ اڄ منهنجي مٿان حملو ڪرايو آهي جيڪا مونکي به مارائڻ چاهي ٿي هن سيشن جج نوشهروفيروز، ايس ايس پي نوشھروفيروز سميت ٻين وس وارن کي اپيل ڪئي آهي مامري جي جاچ ڪرائي انصاف ڏنو وڃي