نوشهروفيروز جي گرلس ڊگري ڪاليج مان ستين ڏينهن به جشن آزادي جي ريلي ڪڍي وئي

ريلي جي اڳواڻي ايڊيشنل ڊائريڪٽر ڪاليجز پروفيسر جبار ملاح، پرنسپال قرات العين عباسي، پروفيسر شازيا قاضي ۽ ٻين ڪئي

نوشهروفيروز(ڊ ر) گورنمينٽ گرلس ڊگري ڪاليج نوشهروفيروز ۾ ستين ڏينهن به جشن آزادي جي سلسلي ۾ ريلي ڪڍي ڪڍي وئي، ريلي ايڊيشنل ڊائريڪٽر ڪاليجز شهيد بينظير آباد ريجن پروفيسر جڀار ملاح، پرنسيپال گرلس ڊگري ڪاليج نوشهروفيروز پروفيسر قرات العين عباسي، پروفيسر شازيا قاضي، زاهده چنڙ، رومانه ميمڻ، ثنيه ميمڻ، ربيعه شيخ، شبانا عباسي، شهزادي صدف ڀٽو، جميلا جوکيو، تهمينه مختيار ميمڻ، عبدالغفار سومرو، ۽ ٻين جي اڳواڻي ۾ ڊگري ڪلاسز کان ڪاليج جي مين گيٽ تائين ڪڍي وئي جڏهن ته ريلي ۾ استادن توڙي شاگردياڻين پاڪستان ۽ پاڪ فوج جي حمايت ۾ زبردست نعري بازي ڪئي جڏهن ته پاڪ فوج ۽ پاڪ ڌرتيء جي محبت ۾ نڪتل ريلي کي خطاب ڪندي پرنسيپال صاحبه چيو ته ريلي ڪڍڻ جو مقصد پاڪ فوج ۽ پاڪستان سان محبت جو اظهار ڪرڻ آهي، ريلي کي خطاب ڪندي ايڊيشنل ڊائريڪٽر ڪاليجز جبار ملاح چيو ته شاگردياڻين جو جوش ۽ جذبو ڏسي خوشي محسوس ٿي رهي آهي ته اسان جي نوجوان نسل سجاڳ آهي ۽ ڌرتيء جي محبت سندن سيني ۾ سمايل آهي، جڏهن ته ريلي کي پروفيسر شازيا قاضي، زاهده چنڙ، رومانه ميمڻ، ثنيه ميمڻ، ربيعه شيخ، شبانا عباسي، شهزادي صدف ڀٽو، جميلا جوکيو، تهمينه مختيار ميمڻ ۽ ٻين پڻ خطاب ڪيو ۽شاگردياڻين جوش ۽ جذبي سان نعريبازي ڪئي