فاروق احمد بجاراڻي ايس ايس پي ٺٽو طور چارج سنڀالي ورتي

62 views | 11th Jul 2025 • سنڌي خبرون

2ڏينھن اڳ ايس ايس پي ڊاڪٽر عمران خان کي ٺٽي مان بدلي ڪيو ويو هو

فاروق احمد بجاراڻي ايس ايس پي ٺٽو طور چارج سنڀالي ورتي

ٺٽو (ڊ ر) ايس ايس پي فاروق احمد بجاراڻي ضلعي ٺٽي جي باضابطه چارج سنڀالي ورتي آھي، تفصيل موجب گذريل ڏينھن آئي جي سنڌ جي حڪم موجب ٺٽي جي ايس ايس پي ڊاڪٽر عمران خان کي ٺٽي مان بدلي ڪيو ويو، جنھن کان پوء فاروق بجاراڻي کي ايس ايس پي ٺٽو مقرر ڪيو ويو آھي، فاروق بجاراڻي باضابطہ طور پنھنجي عھدي جي چارج وٺي ڇڏي آھي جنھن کان پوء فاروق بجاراڻي جو ايس ايس پي آفيس ٺٽو پهچڻ تي پوليس آفيسرن ۽ آفيس اسٽاف پاران استقبال ڪيو ويو ۽ پوري فورس سان پوليس جي دستي پاران سلامي پيش ڪئي وئي، ايس ايس پي ٺٽو شهيدن جي يادگار تي گلن جي چادر چاڙهي ۽ ٻين آفيسرن سان گڏ شهيدن جي بلند درجن لاءِ دعا گھري، تنھن کان پوء ايس ايس پي ٺٽو ايس ايس پي آفيس ٺٽو جي سڀني شاخن جي سربراهن سان هڪ تعارفي ملاقات ڪئي ۽ لاڳاپيل آفيسرن ۽ جوانن کي ٺٽو پوليس جي سڀني يونٽن جي بهترين ڪم ڪرڻ لاءِ ضروري هدايتون جاري ڪيون ايس ايس پي ٺٽو چيو ته اسان کي پنهنجون ذميواريون بهترين طريقي سان ادا ڪرڻيون آهن ۽ جيڪڏهن ڪنهن کي ڪا به پريشاني آهي ته مون سان رابطو ڪرڻ لاءِ آزاد محسوس ڪريو.